ریاست کے مختلف علاقوں میں کورونا مریضوں کی صحتیابی کے بعد انہیں اسپتال سے ڈسچارج کیا جارہا ہے۔ صحتیابی کی شرح میں بھی اضافہ ہوا ہے۔ گجرات میں اب تک کورونا سے 9 ہزار سے زائد اموات ہوئی ہیں۔
گذشتہ 24 گھنٹوں کے دوران 54 اموات کی اطلاع ہے جس کے بعد اموات اموات کی کل تعداد 9523 ہو گئی۔ گجرات میں اب تک 695026 افراد کورونا سے صحتیاب ہوئے ہیں۔ اسی طرح 24 گھنٹوں کے دوران 8445 افراد کو صحتیاب ہونے کے بعد مختلف اسپتالوں سے ڈسچارج کردیا گیا۔
گجرات میں فی الوقت ایکٹیو مریضوں کی تعداد 80127 ہے جس میں سے صرف 679 مریض وینٹی لیٹر پر ہیں۔ اس کے علاوہ دیگر مریضوں کی حالت مستحکم بنائی گئی۔ محکمہ صحت کے مطابق گزشتہ 24گھنٹوں میں احمدآباد میں 692، سورت میں 294، وڈودرا میں 380، گاندھی نگر میں 44، بھاونگر میں 66، بناس کانٹھا میں 113، راجکوٹ میں 169، سریندر نگر میں 47، پاٹن میں 125، امریلی میں 83، جام نگر میں 118، مہسانہ میں 115، کچھ میں 106 نئے کیسز درج ہوئے ہیں۔