گجرات: گھر جانے کا مطالبہ کرتے ہوئے مزدور سڑکوں پر

کورونا وائرس کے پھیلاؤ کو روکنے کے لئے لاک ڈاؤن نافذ کیا گیا جس کی وجہ سے بہت سارے غیر ریاستی مزدور گجرات کے مختلف علاقوں میں پھنسے ہوئے ہیں۔ان کے لیے لیبر اسپیشل ٹرینیں چلائی جارہی ہیں اس کے باوجود انہیں گھر جانے کا موقع نہیں مل رہا ہے۔

ریاست گجرات کے ضلع بھروچ کے دہیج میں گھر جانے کے لئے بیتاب مزدوروں نے جولوا گاؤں کے قریب سڑک کو جام کردیا۔اور گھر جانے کی مانگ کرتے ہوے ہنگامہ برپا کیا اس معاملے کی اطلاع ملتے ہی پولیس کے قافلے نے موقع پر پہنچ کر انہیں منانے کی کوشش کی۔

احتجاج کرنے والے مہاجر مزدوروں نے وطن واپسی کا مطالبہ کرتے ہوئے کہاکہ "ہم گذشتہ دو ماہ سے یہاں پھنسے ہوئے ہیں، صنعت کارخانے بند ہونے کی وجہ سے ہمارے پاس کوئی کام نہیں اور نہ ہی پیسہ ہے، ہمیں اپنے وطن بھیج دیں۔

ہم یہاں بہت پریشان ہیں اور بھوکے مر رہے ہیں ۔ ہماری کوئی مدد بھی نہیں کررہا اس لیے ہم گاؤں جانا چاہتے ہیں ۔