گجرات دورے پر اویسی، جیل میں عتیق سے ملاقات کی نہیں ملی اجازت

آل انڈیا مجلس اتحاد المسلمین کے قومی صدر اسدالدین اویسی گجرات پہنچے ہیں جہاں ان کا پارٹی کارکنان نے پر زور استقبال کیا۔ وہ اپنے دورہ کے دوران جیل میں بند اترپردیش کے سابق رکن پارلیمان عتیق احمد سے بھی ملاقات کے لیے جانے والے تھے لیکن انہیں ملاقات کی اجازت نہیں دی گئی۔

آل انڈیا مجلس اتحاد المسلمین کے قومی صدر اسدالدین اویسی ایک بار پھر گجرات اسمبلی انتخابات 2022 کے پیش نظر کے دورے پر پہنچے ہیں۔ یہاں پہنچنے کے بعد وہ کارکنان کے ساتھ سیدھے ہوٹل میں چلے گئے۔

اویسی کے گجرات دورے کے بارے میں جانکاری دیتے ہوئے احمدآباد کے صدر شمشاد پٹھان نے کہا کہ اسدالدین اویسی احمدآباد ایئر پورٹ پر پہنچے ہیں۔ جس کے بعد وہ احمدآباد سینٹرل جیل پہنچ کر سابق رکن پارلیمان عتیق احمد سے ملاقات کریں گے۔ اس کے بعد احمدآباد سینٹرل جیل جائیں گے۔

سینٹرل جیل سے ہوٹل لیمن ٹری جائیں گے۔ جہاں پریس کانفرنس سے خطاب کریں گے۔

اس کے بعد حضرت شاہ عالم سرکار درگاہ کی زیارت کریں گے۔ وہاں سے گجرات ٹوڈے پریس سے ملاقات کریں گے، ٹاگور ہال میں پارٹی عہدیداروں سے ملاقات کریں گے۔ جہاں سے وہ ہوٹل کے لیے روانہ ہونگے۔

21 ستمبر کو وہ احمدآباد سے روانہ ہوکر اونگ آباد پہنچیں گے۔ کچھ دن قبل اسد الدین اویسی کی موجودگی میں سابق رکن پارلیمان عتیق احمد کی اہلیہ نے اے آئی ایم آئی ایم پارٹی میں شمولیت اختیار کی۔