امت شاہ ایک بار پھر گجرات دورے پر

مرکزی وزیر داخلہ اور بی جے پی کے قومی صدر امت شاہ دو دن کے لیے ایک بار پھر گجرات کا دورہ کرنے آرہے ہیں۔ اس دورے کے دوران 14-15جنوری کو امت شاہ اپنے اہل خانہ کے ساتھ اتراین کا تہوار منائیں گے۔

14 جنوری کو امت شاہ احمدآباد کے گھاٹلوڈیا علاقے میں بی جے پی کے کارکنان کے ساتھ پتنگ اڑائیں گے۔

واضح رہے کہ مرکزی وزیر داخلہ امت شاہ کا یہ دورہ اپنے اہل خانہ کے ساتھ تہوار منانے کے لیے ہے لیکن اس دورے سے گجرات بی جے پی پارٹی میں تبدیلی کرنے کی قیاس آرائیاں ایک بار پھر تیز ہوگئی ہیں۔ذرائع کے مطابق امت شاہ دورے کے پہلے روز اتراین کا تہوار منائیں گے اور دوسرے دن 15 جنوری کو وہ بی جے پی کے اعلی رہنماؤں کے ساتھ ریاست کی موجودہ سیاسی صورتحال پر بھی تبادلہ خیال کرسکتے ہیں۔