نوٹس چسپاں کرنے گئے کانسٹیبل کو پیٹ پیٹ کر مار ڈالا

ضلع کے سڑھپورا تھانہ کے گاؤں میں وارنٹی کو گرفتار کرنے گئی پولیس ٹیم پر حملہ ہوگیا۔ اس دوران ملزمین نے داروغہ اشوک کمار اور کانسٹیبل دیویندر کو قیدی بنا کر جم کر پیٹا۔ اس حملے میں سپاہی کی موت ہوگئی۔

ضلع کاس گنج میں شراب کاروباریوں کے حملے میں مارا جانے والا یہ کانسٹیبل آگرہ ضلع کے تھانہ ڈوکی کے علاقہ نگلہ بندو گاؤں کا رہائشی تھا۔ وہ 2015 میں پولیس فورس میں داخل ہوا تھا۔ جب سپاہی کی موت کی لواحقین کو اطلاع دی گئی تو گھر میں کہرام مچ گیا۔

کاس گنج ضلع ہیڈکوارٹر سے تقریباً 44 کلومیٹر دور کٹری میں واقع گاؤں نگلا دھیمر میں اشوک کمار اور کانسٹیبل دیویندر سنگھ موتی رام قرقی ضبطی کا نوٹس چپکانے گئے تھے۔ گاؤں میں دونوں پولیس والوں کو شراب کاروباریوں نے پکڑ لیا اور ان کی جم کر پٹائی کی جس سے کانسٹیبل دیویندر کی موت ہوگئی۔

ہلاک ہونے والے کانسٹیبل کے لواحقین نے بتایا کہ دیویندر تقریباً 10 دن پہلے چھٹی پر گاؤں آیا تھا۔ چھٹی ختم ہونے کے بعد واپس چلے گئے۔ پیر کے روز دیویندر نے فون پر اپنے اہل خانہ سے بات کی تھی۔

ہلاک شدہ دیویندر سنگھ کی دو بیٹیاں ہیں۔ بڑی بیٹی ویشنی 3 برس کی ہے اور چھوٹی بیٹی گڑیا کی عمر محض ایک ماہ ہے۔