ایس این میڈیکل کالج میں داخل سینٹرل جیل کے ایک قیدی کو کورونا سے متاثر ہونے کی اطلاع ملنے کے بعد ضلعی انتظامیہ کے ساتھ ساتھ جیل انتظامیہ کو بھی حرکت میں آئی اور جیل انتظامیہ نے دوسرے قیدیوں اور عملے سے معلومات فراہم کرنی شروع کردی جو متاثرہ قیدی کے ساتھ رابطے میں آئے تھے۔
آگرہ سینٹرل جیل کے سینیئر جیل سپرنٹنڈنٹ وی کے سنگھ نے بتایا کہ جھانسی کے رہائشی 60 سالہ وریندر کمار کو عمر قید کی سزا سنائی گئی ہے۔
آگرہ سینٹرل جیل میں ایک قیدی کورونا پازیٹیو وہ دسمبر 2017 کو جھانسی سے یہاں آیا تھا۔ 3 مئی 2020 کو قیدی وریندر کمار کے بڑھتے ہوئے بلڈ پریشر اور دماغی فالج کے باعث سینٹرل جیل سے سروجنی نائیڈو میڈیکل کالج میں داخل کرایا گیا تھا جس کا 4 مئی کو سیمپل لیا گیا تھا اور بدھ کے روز رپورٹ میں انفیکشن کی تصدیق ہوگئی تھی۔
قیدی وریندر کمار کے ساتھ رابطے میں آئے 14 قیدیوں کو جیل ہی میں کورنٹین کردیا گیا ہے۔ اس کے ساتھ ہی ملازمین کی فہرست بھی تیار کی جارہی ہے اور ان سب کا کورونا ٹیسٹ بھی کرایا جائے گا۔
سینیئر جیل سپرنٹنڈنٹ وی کے سنگھ نے بتایا کہ قیدی کورونا کے مثبت پائے جانے کے بعد جیل کمپلیکس کو سینیٹائیز کیا جارہا ہے ویسے تو صفائی ستھرائی پہلے ہی جیل میں ہو رہی تھی، عملے کو سینیٹائیز ہونے کے بعد ہی اندر جانے کی اجازت ہے۔
واضح رہے کہ لاک ڈاؤن کی وجہ سے جیل میں ملاقاتیں بند ہیں ایسی صورتحال میں کوئی بیرونی شخص نہیں آسکتا ہے۔ یہ قیدی دسمبر 2019 سے سنٹرل جیل میں رہ رہا ہے۔ اب اس کے کورونا مثبت ہونے کے بارے میں دو خدشات ظاہر کیے جارہے ہیں، پہلا خدشہ یہ ہے کہ جیل کے احاطے میں عملہ باہر سے آتا ہے اور وہ قیدی کو متاثر کرسکتا ہے اور دوسرا خدشہ یہ ہے کہ شاید قیدی کو ایس این میڈیکل کالج میں انفکشن ہوا ہو۔
