وزیر نہیں بنائے جانے پر رکن اسمبلی رو پڑے

تلنگانہ کے سابق وزیر جنگلات جوگو رامننا اپنے آبائی وطن عادل آباد پہنچے جہاں انکے حامیوں نے انکا شاندار پر استقبال کیا۔

مذکور ٹی آر ایس رہنما پچھلے دو دنوں سے ہسپتال میں شریک تھے، ان کا بلڈ پریشر بڑھ گیا تھا۔
مذکورہ رہنما کی صحت کی خرابی کی وجہ تلنگانہ کابینہ میں انکی عدم شمولیت ہے، اس ضمن میں انھوں نے کہا کہ جب یہ اطلاع موصول ہوئی کہ کابینہ کی توسیع میں انکا نام شامل نہیں ہے تب سے ان کی صحت بگڑ گئی اور وہ ہسپتال میں شریک ہوگئے، ڈاکٹرس نے انھیں آرام کا مشورہ دیا۔
اس موقع پر جوگورامننا کے حامیوں میں سے ایک شخص نے خود پر کیروسین ڈالکر آگ لگانے کی کوشش کی جس پر پولیس اور دیگر افراد نے پانی ڈال کر اس کا تحفظ کیا ۔
اس موقع پر وہ جذباتی ہوگئے اور ناراضگی جتاتے ہوئے کہا کہ وہ ہمیشہ سے ٹی آر ایس پارٹی کے لیے کام کرتے آئے ہیں،تاہم وزارت کے نہیں ملنے پر انھیں تکلیف ہوئی ہے۔
اس موقع پر انھوں نے کہا کہ وزیر اعلی کے سی آر انکے رہنما ہیں اور وہ انکے ساتھ ہی رہیں گے۔