ضلع ایس پی ششی دھرراجوکی قیادت میں بڑے پیمانے پرفلیگ مارچ کاانعقادبھینسہ پولیس اسٹیشن سے کیاگیا.جومارکٹ ایریا’ بارہ امام گلی’ پانڈری گلی’ کنٹہ ایریا’ واٹربیڈایریا’ محمدیہ نگر’ زین العابدین گلی’نئی آبادی’ایکمینارایریا’ مکہ کالونی ‘اویسی نگراورایپی نگرسے رورل پولیس اسٹیشن پراختتام عمل میں آیا۔
بھینسہ میں پولیس کا فلیگ مارچ - بھینسہ میں پولیس کا فلیگ مارچ
تلنگانہ کے نرمل ضلع کے بھینسہ میں تشددواقعےکے بعد پولیس عوام میں اعتمادکی بحالی اورخوف کے ماحول کوختم کرنی کی کوشش کررہی ہے۔
بھینسہ میں پولیس کا فلیگ مارچ
اس فلیگ مارچ میں ایڈیشنل ایس پیزوینکٹ ریڈی ‘سرنیواس راؤکے علاوہ ڈی ایس پی نرسنگ راؤاورسینکڑوں پولیس جوان شامل تھے۔ بعدازاں ضلع ایس پی ششی دھرراجونے رورل پولیس اسٹیشن میں میڈیاکوبتایاکہ تین دن قبل مسجدقباء تشددواقعہ کے بعدحالات کوقابومیں لانے کیلئے پولیس متحرک ہے اس تشددواقعہ میں ملوث افرادکے خلاف سخت سے سخت کاروئی کرتے ہوئے قدیم مقدمات میں ملوث افرادپرپی ڈی ایکٹ کے تحت مقدمات درج کیئے جائیں گے تاکہ مستقبل میں ایسے واقعات نہ ہوکیونکہ ایسے فرقہ وارانہ واقعات کی وجہ شہرپسماندگی کاشکارہورہاہے اورچندمٹھی بھرشرپسندعناصرشہرکے حالات کومکدرکررہے ہیں۔
پولیس ایسے شرپسندوں کوکچلنے کیلئے متحرک ہے انھوں نے کہا کہ ایک دوسرے کے مذاہب کااحترام کرتے ہوئے بھائی چارگی کے ساتھ تہواروں کومنانے اورغیرسماجی افرادکی سرگرمیوں پرنظررکھنے کے علاوہ سوشل میڈیاکی جھوٹی خبروں اورافواہوں پر توجہ نہ دیتے ہوئے شہرکی ترقی کے علاوہ نسل نوکے روشن مستقبل کی فکرکرنے شہریوں کومشورہ دیااورکہاکہ تاحال تشددواقعہ میں ملوث دونوں طبقوں کے21 افرادپرمقدمات درج کرتے ہوئے عدالتی تحویل میں پیش کیاگیااورلاک ڈاؤن کی خلاف ورزی پر40افرادپرمقدمات درج کیئے گئے ہیں اورکئی موٹرسیکلز کوضبط کیاگیا۔