ابوظہبی/ممبئی: ابوظہبی کیمیکل ڈیریویٹوز کمپنی آر ایس سی لمیٹڈ (TA'ZIZ) اور ریلائنس انڈسٹریز لمیٹڈ (RIL) نے تعزیز ای ڈی سی اور پی وی پروجیکٹ کے لیے باضابطہ شیئر ہولڈر معاہدے پر دستخط کیے ہیں۔ شیئر ہولڈر معاہدے کی مالیت 2 بلین ڈالر ہے۔ یہ مشترکہ منصوبہ تعزیز انڈسٹریل کیمیکلز زون، روائیس میں لگایا جائے گا۔ Reliance and TA’ZIZ sign shareholder pact for $2 billion joint venture
تعزیزEDC اور PVC جوائنٹ وینچر کلور الکالی، ایتھیلین ڈائیکلورائیڈ (EDC) اور پولی وینیل کلورائیڈ (PVC) کے لیے ایک پیداواری سہولت بنائے گا اور ان کا آپریشن بھی کرے گا۔ جس سے متحدہ عرب امارات میں پہلی بار ایسا کیمیکل تیار کیا جائے گا۔ اس سے مقامی صنعت کاروں کے لیے آمدنی کی نئی راہیں کھلیں گی۔
باضابطہ شیئر ہولڈر معاہدے پر ریلائنس کے چیئرمین اور منیجنگ ڈائریکٹر مکیش امبانی نے اے ڈی این او سی ہیڈکوارٹر کے دورے کے دوران دستخط کیے تھے۔ امبانی نے یو اے ای کے صنعت اور جدید ٹیکنالوجی کے وزیر ڈاکٹر سلطان الجابر اور اے ڈی این او سی کے منیجنگ ڈائریکٹر اور گروپ سی ای او سے ملاقات کی اور ہائیڈرو کاربن ویلیو چین، نئی توانائی اور ڈیکاربونائزیشن میں شراکت داری اور ترقی کے مواقع پر تبادلہ خیال کیا۔