نئی دہلی: اسٹاک مارکیٹ میں زبردست گراوٹ کے دباؤ میں آج انٹربینکنگ کرنسی مارکیٹ میں روپیہ 7 پیسے گر کر 79.78 فی ڈالر پر آگیا۔ گزشتہ روز روپیہ 79.71 روپے فی ڈالر پر تھا۔ روپیہ آج نو پیسے گر کر 79.80 روپے فی ڈالر پر کھلا۔ سیشن کے دوران یہ 79.85 روپے فی ڈالر کی کم ترین سطح پر ٹوٹ گیا۔ اس دوران یہ بھی بڑھ کر 79.71 روپے فی ڈالر کی بلند ترین سطح پر پہنچ گیا۔ آخر میں یہ پچھلے دن کے مقابلے میں سات پیسے کم ہوکر 79.78 روپے فی ڈالر پر آگیا۔Rupee falls 7 paise
وہیں اسٹاک مارکیٹ میں ہونے والی زبردست فروخت کی وجہ سے سرمایہ کاروں کے تقریباً 6.19 لاکھ کروڑ روپے ڈوب گئے۔ عالمی بینک کی جانب سے پوری دنیا میں ایک بار پھر کساد بازاری کے انتباہ کے بعد عالمی اسٹاک مارکیٹس میں گراوٹ کا اثر آج مقامی مارکیٹ پر بھی نظر آیا جہاں اسٹاک مارکیٹ میں ہونے والی ہمہ گیر فروخت نے بھونچال آگیا اور بی ایس ای کے 30 شیئرز والا حساس انڈیکس سینسیکس 1093.22 پوائنٹس کی کمی کے ساتھ 58840.79 پوائنٹ پر، نیشنل اسٹاک ایکسچینج (این ایس ای) کا نفٹی 346.55 پوائنٹس گر کر 17530.85 پوائنٹس پر آگیا۔