Petrol, Diesel Prices: پٹرول اور ڈیزل کی قیمتیں آٹھویں روز بھی مستحکم

جمعرات کو مسلسل آٹھواں دن ہے جب تیل کمپنیوں نے تیل کی قیمتوں میں کوئی تبدیلی نہیں کی ہے Petrol, Diesel Prices Unchanged for Eighth Straight Day۔ اس سے قبل یکم اپریل کو قیمتوں میں کوئی تبدیلی نہیں کی گئی تھی۔

ملک میں تیل کی مارکیٹنگ کمپنیوں نے گزشتہ آٹھ دنوں سے پٹرول اور ڈیزل کی قیمتوں میں کوئی تبدیلی نہیں کی ہے جس کی وجہ سے جمعرات کو بھی پٹرول اور ڈیزل کی قیمتیں مستحکم رہیں۔ Petrol, Diesel Prices Unchanged for Eighth Straight Day

انڈین آئل کارپوریشن کے پرائس نوٹیفکیشن کے مطابق دہلی میں پٹرول 105.41 روپے فی لیٹر اور ڈیزل 96.67 روپے فی لیٹر فروخت ہو رہا ہے۔ ممبئی میں پٹرول کی قیمت 120.51 روپے فی لیٹر اور ڈیزل کی قیمت 104.77 روپے فی لیٹر مقرر ہے۔ چنئی میں پٹرول کی قیمت 110.85 روپے اور ڈیزل کی قیمت 100.94 روپے پر برقرار ہے۔کولکاتا میں پٹرول اور ڈیزل کی قیمت بالترتیب 115.12 روپے اور 99.83 روپے ہے۔

بین الاقوامی مارکیٹ میں خام تیل کی قیمتوں میں اتار چڑھاؤ کے درمیان آج لندن برینٹ کروڈ 0.27 فیصد کم ہوکر 108.49 امریکی ڈالر فی بیرل پر ٹریڈ کر رہا ہے اور یو ایس کروڈ 0.57 فیصد کم ہوکر 103.66 امریکی ڈالر فی بیرل ہے۔

ملک میں پٹرول اور ڈیزل کی قیمتوں میں 137 دن کے استحکام کے بعد گزشتہ 22 مارچ سے اضافہ ہونا شروع ہو گیا ہے۔ گزشتہ 23 دنوں میں کمپنیوں نے پٹرول اور ڈیزل کی قیمتوں میں 14 بار اضافہ کیا ہے۔ تب سے اب تک ان کی قیمتوں میں تقریباً 10 روپے فی لیٹر اضافہ ہوا ہے۔

قابل ذکر ہے کہ جمعرات کو لگاتار آٹھواں دن ہے جب قیمتوں میں کوئی تبدیلی نہیں کی گئی ہے۔ اس سے قبل یکم اپریل کو قیمتوں میں کوئی تبدیلی نہیں کی گئی تھی۔

یو این ائی