نرملا سیتا رمن نے ٹیکس دہندگان کو سہولیات فراہم کرنے کی ضرورت پر زور دیا

وزیر خزانہ نرملا سیتا رمن نے سی جی ایس ٹی اور کسٹمز ویزاگ زون کو بھومی پوجا اور انفراسٹرکچر کی تخلیق کے لیے مبارکباد دی اور زون کو ریونیو کمانے میں مثبت رجحان کو جاری رکھنے کی ترغیب دی۔ Nirmala Sitharaman on facilities to taxpayers

نئی دہلی: ٹیکس دہندگان کو سہولت فراہم کرنے کی ضرورت پر زور دیتے ہوئے وزیر خزانہ سیتا رمن نے آج کہا کہ جی ایس ٹی سیوا کیندروں کے ذریعے بائیو میٹرک پر مبنی آدھار کی تصدیق کو آندھرا پردیش کے لیے منظوری دے دی گئی ہے۔

وزیر خزانہ نرملا سیتا رمن نے آج جی ایس ٹی بھون، تروپتی سی جی ایس ٹی کمشنریٹ کے سنگ بنیاد رکھنے کی تقریب کے موقع پر ورچوئل خطاب کیا۔

انہوں نے کہا کہ نیا جی ایس ٹی بھون ٹیکس انتظامیہ میں بنیادی ڈھانچے اور کارکردگی کو بڑھانے کے لئے مرکزی حکومت کے عزم کی عکاسی کرتا ہے۔

سنٹرل بورڈ آف ان ڈائرکٹ ٹیکس اور کسٹمز (سی بی آئی سی) کے چیئرمین سنجے کمار اگروال نے بھومی پوجن کیا اور تختی کی نقاب کشائی کی۔

وزیر خزانہ نرملا سیتا رمن نے سی جی ایس ٹی اور کسٹمز ویزاگ زون کو بھومی پوجا اور انفراسٹرکچر کی تخلیق کے لیے مبارکباد دی اور زون کو ریونیو کمانے میں مثبت رجحان کو جاری رکھنے کی ترغیب دی۔ یواین آئی۔