نئی دہلی: بھارتی صنعتکار گوتم اڈانی کی کمپنی نے امریکی قانونی فرم واچٹیل کی ہنڈن برگ کے خلاف قانونی لڑائی لڑنے کے لیے خدمات حاصل کی ہے۔ یہ فرم دنیا میں متنازع قانونی لڑائی لڑنے کے لیے مشہور ہے۔ اڈانی گروپ کیس لڑ کر اپنے سرمایہ کاروں کو کمپنیوں کی مالی صحت کے بارے میں یقین دلانا چاہتا ہے۔ اڈانی گروپ کی جانب سے پہلے ہی کہا گیا تھا کہ وہ شارٹ سیلر ہنڈن برگ ریسرچ کے خلاف اپنی قانونی لڑائی کی تیاری کر رہا ہے۔ اب رپورٹس کے مطابق، گروپ نے نیویارک میں مقیم واچٹیل لپٹن، روزن اینڈ کاٹز کے سرکردہ وکلاء کی خدمات حاصل کی ہیں تاکہ شارٹ سیلر فرم پر کارروائی کی جائے۔
غور طلب ہے کہ ہنڈن برگ نے 24 جنوری کو شائع ہونے والی تحقیقی رپورٹ میں اکاؤنٹنگ فراڈ، اسٹاک میں ہیرا پھیری سمیت قرضوں کو لے کر اڈانی گروپ پر کئی سنگین سوالات اٹھائے گئے تھے۔ ہنڈن برگ نے اپنی رپورٹ میں 88 سوالات اٹھاتے ہوئے لگائے گئے الزامات کا اڈانی گروپ پر اتنا اثر ہوا کہ اڈانی گروپ کے اسٹاک میں سونامی آئی اور 10 دنوں کے اندر اڈانی گروپ کی مارکیٹ کیپٹلائزیشن آدھی رہ گئی۔ یہی نہیں حصص میں زبردست گراوٹ نے چیئرمین گوتم اڈانی کی مجموعی مالیت پر بھی برا اثر ڈالا اور وہ دنیا کے ٹاپ ارب پتیوں کی فہرست میں تیسرے نمبر سے ٹاپ-20 سے باہر ہو گئے۔ اڈانی کے اثاثے جن کی مجموعی مالیت 110 بلین ڈالر سے زیادہ ہے، کم ہو کر صرف 58.7 بلین ڈالر رہ گئی ہے۔