Economic Survey 2023 Highlights اقتصادی سروے کے اہم نکات

وزیر خزانہ نرملا سیتا رمن نے دونوں ایوانوں کے اراکین کی موجودگی میں صدر دروپدی مرمو کے خطاب کے بعد اقتصادی سروے پیش کیا۔ Economic Survey 2023 Highlights

نئی دہلی:صدر دروپدی مرمو کی تقریر کے ساتھ پارلیمانی بجٹ اجلاس کا آغاز ہو گیا ہے۔ وزیر خزانہ نرملا سیتا رمن نے اقتصادی سروے پیش کیا۔ تاہم AAP اور BRS نے صدر کے خطاب کا بائیکاٹ کیا ہے۔ دونوں پارٹیوں نے واضح طور پر کہا کہ وہ صدر جمہوریہ اور صدر کے دفتر کا احترام کرتے ہیں، لیکن مرکز میں بی جے پی کی قیادت والی این ڈی اے حکومت کے خلاف احتجاج میں خطاب کا بائیکاٹ کر رہے ہیں۔

اقتصادی سروے لوک سبھا میں پیش کر دیا گیا ہے۔ وزیر خزانہ نرملا سیتا رمن نے یہ اقتصادی سروے پیش کیا ہے۔ اقتصادی سروے میں وزیر خزانہ نے 2023-24 میں شرح نمو 6.5 فیصد رہنے کا تخمینہ لگایا گیا ہے۔ اقتصادی سروے میں کہا گیا کہ رواں مالی سال کے لیے 6.8 فیصد کی افراط زر اتنی زیادہ نہیں ہے کہ نجی کھپت کو کم کر سکے یا سرمایہ کاری کو کم کرسکے۔ نومبر 2022 میں خوردہ افراط زر RBI کے ہدف میں واپس آ گیا ہے۔ بھارتی معیشت مالی سال 23 میں وبائی امراض سے پہلے کی ترقی کے راستے پر پہنچنے کے لیے تیار ہے۔

عوامی اشیا کی تخلیق، افادیت اور زندگی میں آسانی، اعتماد پر مبنی حکمرانی، زرعی پیداوار میں اضافہ اور نجی شعبے کو ترقی میں شریک پارٹنر کے طور پر فروغ دینا حکومت کی اصلاحات کا فوکس ہے۔ پری بجٹ اقتصادی سروے میں یہ بتایا گیا ہے کہ بھارت دنیا کی سب سے تیزی سے ترقی کرنے والی معیشت رہے گا۔ امریکی مرکزی بینک کی جانب سے شرح سود میں مزید اضافے کے امکان کے درمیان روپے کی قدر میں کمی ایک چیلنج رہے گی۔ صاف بیلنس شیٹ مالیاتی اداروں کی طرف سے قرض دینے میں اضافے کا باعث بنی ہے۔

وزیر خزانہ نرملا سیتا رمن نے لوک سبھا میں مالی برس 2022-23 کا اقتصادی سروے پیش کیا۔ ملکی معیشت 2023-24 میں 6.5 فیصد کی شرح سے ترقی کرے گی جو کہ رواں مالی سال میں سات فیصد تھی۔ گزشتہ مالی سال میں ترقی کی شرح 8.7 فیصد تھی۔ سروے میں یہ بھی کہا گیا ہے کہ کورونا کی وجہ سے بھارت میں سپلائی کا مسئلہ زیادہ سنگین تھا۔ مانگ ہمیشہ بنی رہی۔ معیشت کورونا سے پہلے کی سطح پر پہنچ چکی ہے۔