Digital Currency At a Glance جانئیے کرپٹو اور ڈیجیٹل کرنسی کے درمیان میں فرق

کرپٹو کے برعکس ای روپے یا ڈیجیٹل کرنسی کو لیگل ٹینڈر کی حیثیت حاصل ہے۔ Digital Currency At a Glance

حیدرآباد: ریزرو بینک آف انڈیا (RBI) یکم دسمبر کو ڈیجیٹل روپے کے خوردہ استعمال سے متعلق پہلا پائلٹ ٹیسٹ شروع کرنے جارہا ہے، جس میں چار سرکاری اور نجی شعبے کے بینک شامل ہوں گے۔ بیان کے مطابق RBI نے ڈیجیٹل کرنسی کے خوردہ استعمال کے لیے ایک پائلٹ ٹیسٹ شروع کرنے جارہا ہے۔ اس میں صارف اور بینک مرچنٹ دونوں شامل ہوں گے۔ آئیے جانتے ہیں ڈیجیٹل کرنسی کے بارے میں۔ Digital Currency At a Glance

جیسا کہ آر بی آئی نے واضح کیا ہے کہ ای روپے ڈیجیٹل ٹوکن کی ایک شکل ہے، جنہیں کریپٹو کرنسیوں کے برعکس قانونی ٹینڈر کی حیثیت حاصل ہے۔ آر بی آئی کے مطابق ڈیجیٹل روپے یا ای روپے بینکوں کے ذریعے صارفین اور تاجروں کو دیا جائے گا۔ صارفین ای روپے کو موبائل فون یا دیگر آلات پر محفوظ طریقے سے ڈیجیٹل والیٹ کے ذریعے لین دین کر سکیں گے۔

مرکزی بینک نے یہ بھی تصدیق کی ہےکہ ڈیجیٹل روپ میں لین دین P2P اور P2M دونوں طرح کیا جا سکتا ہے۔ آر بی آئی نے کہا کہ یہ ڈیجیٹل روپے روایتی نقد کرنسی کی طرح ہے۔ آر بی آئی نے کہاکہ "نقد کی طرح، ڈیجیٹل روپے رکھنے والے کو کوئی سود نہیں ملے گا اور اسے بینکوں میں جمع کرنے کے لیے استعمال کیا جا سکتا ہے۔"

کرپٹو اور ڈیجیٹل کرنسی کے درمیان فرق

بتادیں کہ کرپٹو کرنسی ایک آزاد ورچوئل کرنسی ہے، ان کو ثمن اصلی یا ٹھوس سکیورٹیز کی حمایت حاصل نہیں ہے۔ کرپٹو کرنسی بلاک چین نام کی ٹیکنالوجی کے تحت کام کرتی ہے۔ بلاک چین غیر مرتکز ٹیکنالوجی ہے جو پوری دنیا بھر میں پھیلی ہوئی ہے۔ کریپٹو کرنسی 'لیگل ٹینڈر' نہیں ہے اور اسے کسی مرکزی حکومت یا بینک کی جانب سے منظوری حاصل نہیں ہے۔ یہ غیر مرتکز اور عالمی ہے۔

اس کے برعکس ای روپے یا ڈیجیٹل روپے بھارتی ریزو بینک کی جانب سے جاری کردہ کرنسی ہے، جنہیں لیگل ٹینڈر کی حیثیت حاصل ہے۔ ڈیجیٹل کرنسی کی شرحیں مستحکم ہیں اور ای کرنسی عالمی سطح پر مقبول ہے۔