Apple Store in Mumbai بھارت میں اپیل کے پہلے اسٹور کا افتتاح

ایپل کے سی ای او ٹم کک بھارت میں اپنے پہلے اسٹور کے افتتاح کے موقع پر موجود رہے۔ اس دوران انہوں نے سٹور کے افتتاح کے بعد خود صارفین کا استقبال کیے۔ ایپل کا بھارت میں پہلا اسٹور ممبئی کے باندرہ کرلا کمپلیکس (BKC) میں کھل گیا ہے۔ ایپل نے اعلان کیا کہ وہ 20 اپریل کو دہلی میں اپنا دوسرا اسٹور کھولے گا۔ India's first Apple store in Mumbai

ممبئی: آئی فون اور میک بک بنانے والی معروف امریکی ٹیک کمپنی ایپل نے بھارت میں اپنا پہلا ریٹیل اسٹور کھول دیا ہے۔ بھارت میں ایپل کا پہلا اسٹور ممبئی کے باندرہ کرلا کمپلیکس (بی کے سی) میں کھولا گیا ہے، جو تقریباً 20،000 مربع فٹ پر محیط ہے۔ رپورٹ کے مطابق بھارت میں ایپل کا پہلا ریٹیل اسٹور کمپنی کے اب تک کے سب سے زیادہ پائیدار اسٹورز میں سے ایک ہے جو صارفین کو بہترین خدمات فراہم کرے گا۔ بی کے سی (بندرا کرلا کمپلیکس) مایا نگری ایک بہت مصروف مقام ہے۔ اس ریٹیل اسٹور کے کھلنے کے ساتھ ہی ایپل نے بھارت مارکیٹ میں آف لائن انٹری کی ہے۔

ایپل نے اعلان کیا کہ وہ 20 اپریل کو دہلی میں ممبئی کے بعد ملک میں اپنا دوسرا اسٹور کھولے گا۔ اس اسٹور کا نام Apple Saket ہوگا۔ ایپل کے سٹور کو لے کر لوگوں میں زبردست جوش و خروش کا ماحول ہے۔ دکان کے باہر لوگوں کی لمبی لائن لگی ہوئی ہے۔ اس اسٹور کا نام Apple BKC ہے۔ باندرہ کرلا کمپلیکس یعنی بی کے سی ممبئی کا ایک کاروباری اور رہائشی ضلع ہے۔

BKC ملک میں سب سے مہنگی جائیدادوں کے ساتھ ایک بہت بڑا تجارتی مرکز ہے۔ ایپل کے چیف ایگزیکٹو آفیسر (سی ای او) ٹم کک خود اسٹور کے افتتاح کے موقع پر موجود تھے۔ اس دوران انہوں نے سٹور کا افتتاح کرنے کے بعد خود صارفین کا استقبال کیا اور صارفین سے بات چیت کی۔ وہ بہت پرجوش نظر آ رہے تھے۔

کمپنی نے ایک بیان میں کہا کہ ایپل بھارت میں 25 سال مکمل ہونے کا جشن منا رہا ہے۔ کمپنی اس ہفتے ملک میں اپنے پہلے ایپل اسٹور کے افتتاح کے ساتھ ایک بڑی توسیع کے لیے کمر بستہ ہے۔ ممبئی کے بعد ایپل کا دوسرا آفیشل اسٹور دہلی میں 20 اپریل کو کھولا جائے گا۔ ایپل نے کہا کہ دونوں اسٹورز کو مقامی ضروریات کے مطابق ڈیزائن کیا گیا ہے۔ 20,000 مربع فٹ پر پھیلے ممبئی اسٹور کو صارفین کے لیے کھولنے سے ایک دن قبل میڈیا کے لیے کھول دیا گیا تھا۔ اطلاعات کے مطابق کک اپنے دورہ بھارت کے دوران وزیر اعظم نریندر مودی سے بھی ملاقات کریں گے۔

بتادیں کہ ایپل کے لیے بھارتی مارکیٹ بہت اہم ہے، جو آئی فون، آئی پیڈ اور میک بک جیسے گیجٹس بناتی ہے۔ جب گذشتہ چند سہ ماہیوں میں کمپنی کے روایتی بازاروں میں مانگ کم ہوئی تو بھارتی مارکیٹ میں اس کی مصنوعات کی مانگ میں تیزی سے اضافہ ہوا۔ ایپل کے سی ای او ٹِم کُک نے حال ہی میں کہا کہ بھارت میں کاروبار کو دیکھتے ہوئے، ہم نے سہ ماہی ریونیو ریکارڈ قائم کیا ہے اور سال بہ سال بہت مضبوط دوہرے ہندسوں میں اضافہ ہوا ہے۔ اس لیے ہمیں بہت اچھا لگتا ہے کہ ہم نے کس طرح پرفارم کیا۔

انہوں نے کہا کہ ایپل نے دراصل کووڈ کے دوران بھارت میں بہت اچھا کام کیا۔ کک نے کہا کہ یہی وجہ ہے کہ ہم بھارت میں ریٹیل لانے میں سرمایہ کاری کر رہے ہیں۔ آن لائن اسٹورز کو وہاں لانا اور اس میں قابل قدر توانائی ڈالنا۔ انہوںے کہاکہ وہ بھارت سے بہت پر امید ہیں۔ ایپل نے 2022 کی چوتھی سہ ماہی میں بھارت میں 20 لاکھ آئی فون فروخت کیے۔ اس کے ساتھ کمپنی نے اپنے فلیگ شپ ڈیوائس کے لیے 18 فیصد اضافہ (سہ ماہی پر سہ ماہی) درج کیا۔

مالی سال 2022-23 میں بھارت سے ایپل کی برآمدات 5 بلین امریکی ڈالر سے تجاوز کرنے کی توقع ہے۔ یہ تعداد بھارت میں بنائے گئے فونز کی کل برآمدات کا نصف ہے۔ ایپل نے کہا کہ کمپنی بھارت میں 2500 لوگوں کو ملازمت دیتی ہے۔ اس نے اپنے ایپ ماحولیاتی نظام کے ذریعے 10 لاکھ ملازمتیں پیدا کرنے میں بالواسطہ مدد کی ہے۔ کمپنی کا کہنا ہے کہ خواتین دکان پر تقریباً نصف افرادی قوت بناتی ہیں۔