امریکہ نے جاپان کو 105 ایف-35 طیاروں کی فروخت کی منظوری دی

امریکہ کے اسٹیٹ ڈپارٹمنٹ نے جاپان کو 23 بلین ڈالرقیمت کے 105 ایف 35 لڑاکا طیاروں کی فروخت کی منظوری دے دی ہے۔

امریکی اسٹیٹ ڈپارٹمنٹ کے مطابق جاپان کےدفاع کو مضبوط، موثر بنانے کی صلاحیت میں اضافہ کے لیے امریکی معاونت قومی مفادمیں ہے، اسٹیٹ ڈپارٹمنٹ نے یہ خیال بھی ظاہر کیا کہ مجوزہ فروخت سے خطہ میں فوجی توازن تبدیل نہیں ہوگا۔

یاد رہے جاپان نے 63 ایف 35 اے، 42 ایف 35بی اور دیگرمتعلقہ سازوسامان خریدنےکی درخواست کی تھی۔