شیئر بازار گراوٹ سے نکلا، سینسیکس 173پوائنٹ مضبوط

شروعاتی اتار چڑھاو کے بعد گھریلو شیئر بازار آج تین دن کی گراوٹ سے نکلتے ہوئے سبقت کے ساتھ بند ہوا بی ایس ای کا سینسیکس 173.44 پوائنٹ یعنی 0.46فیصد کی مضبوطی کے ساتھ 38 ہزار پوائنٹ کی سطح کے پار 38,050.78 پوائنٹ پر اور نیشنل اسٹاک ایکسچنج کا نفٹی 81پوائنٹ یعنی 0.72 فیصد کی سبقت کے ساتھ 11,259.40 پوائنٹ پر پہنچ گیا۔

درمیانی اور چھوٹی کمپنیوں میں بھی سرمایہ کاروں نے خریداری کی۔ بی ایس ای کا مڈکیپ 0.41فیصد کی سبقت کے ساتھ 14,492.30پوائنٹ پر اور اسمال کیپ 0.84فیصد اوپر 13,972.11پوائنٹ پر بند ہوا۔

بجلی، دھات، انڈسٹریلس اور آٹو گروپوں کی کمپنیو ں میں سب سے زیادہ تیزی رہی۔ سینسیکس میں این ٹی پی سی کا شیئر تقریباً آٹھ فیصد چڑھا۔ بجاج آٹو کا شیئر چار فیصد سے زیادہ اور ٹیک مہندر کا ساڑھے تین فیصد سے زیادہ چڑھا۔ او این جی سی، ماروتی سوزوکی اور ٹائٹن میں بھی دو سے تین فیصد کے درمیان برھا۔ اسٹیٹ بینک آف انڈیا کا شیئر پونے دو فیصد گرا۔

بیرون ممالک بھی ملا جلا رہا اور گھریلو شیئر بازار میں بھی اتار چڑھا و رہا لیکن دوپہر بعد تقریباً پورے وقت سینسیکس ہرے نشان میں رہا۔

ایشیا میں چین کا شنگھائی کمپوزٹ 2.34فیصد اور ہانگ کانگ کا ہینگ سینگ 0.65فیصد کی سبقت کے ساتھ بند ہوا۔ وہیں جاپان کا نکئی 0.83فیصدگرا۔ یوروپ کے شروعاتی کاروبار میں برطانیہ کا ایف ٹی ایس ای 0.12فیصد اور جرمنی کا ڈیکس 0.04فیصد مضبوط ہوا۔