اسٹاک مارکیٹ میں اتار چڑھاؤ

گھریلو اسٹاک مارکیٹس میں جمعہ کے روز ابتدائی تجارت میں اتار چڑھاؤ دیکھا گیا اور اضافہ کے ساتھ کھلنے کے کچھ ہی دیر بعد سنسیکس اور نفٹی سرخ نشان پر آگئے۔

جمعہ کو بی ایس ای کا 30 حصص والا حساس انڈیکس سینسیکس 130.66 پوائنٹس کے اضافے کے ساتھ 52،967.87 پوائنٹس پر کھلا اور 53،008.53 پوائنٹس پر پہنچ گیا۔ اس کے بعد اچانک مارکیٹ میں فروخت میں اضافہ کی وجہ سے یہ 52،653.77 پوائنٹس تک لڑھک گیا۔

جمعرات کو سینسیکس 52،837.21 پوائنٹس پر بند ہوا تھا۔ جمعہ کی دوپہر تک یہ 80.14 پوائنٹس یعنی 0.15 فیصد کی گراوٹ کے ساتھ 52،757.07 پر تھا۔

بینکنگ اور مالیاتی کمپنیوں کے حصص میں فروخت دیکھی گئی، جب کہ آئی ٹی اور ٹیک سیکٹر کمپنیوں کے حصص میں اضافہ ہوا۔ درمیانہ اور چھوٹی کمپنیوں میں خریداری زوروں پر رہی۔

نیشنل اسٹاک ایکسچینج کا نفٹی 32.75 پوائنٹس اضافے کے ساتھ 15،856.80 پر کھل گیا اور 15،876.45 پوائنٹس پر پہنچ گیا۔ اس کے بعد فروخت کے دباؤ میں یہ 15،768.40 پوائنٹس تک نیچے آ گیا۔

گزشتہ کاروباری دن نفٹی 15،824.05 پوائنٹس پر بند ہوا تھا۔ جب کہ آج دوپہر تک نفٹی 24.55 پوائنٹس یعنی 0.16 فیصد کی گراوٹ سے 15،799.50 پوائنٹس پر بند ہوا تھا۔