زرعی پیداوار کی برآمد ات سات لاکھ کروڑ روپے کرنے کا ہدف

کامرس اینڈ انڈسٹری کے وزیر پیوش گوئل نے آج کہا کہ حکومت نے اگلے چھ سال کے دوران زرعی پیداوار کی برآمدات سات لاکھ کروڑ روپے کرنے کا ہدف مقرر کیا ہے۔

مسٹر گوئل نے پریس کانفرنس میں کہا کہ موجودہ دورمیں سالانہ تقریبا پونے تین لاکھ کروڑ روپے کی زرعی پیداوار برآمدات کی جاتی ہے ۔ زرعی پیداوار برآمدات بڑھانے کے سلسلے میں کامرس اینڈ انڈسٹری کے وزیر کی تین ملاقاتیں بھی ہوئی ہیں۔

انہوں نے کہا کہ زرعی پیداوار کی برآمدات کے بے پناہ امکانات ہیں۔ سمندری اور زراعت سے متعلق دیگر پیداوار میں ویلو ایڈڈ کر کے اس کی برآمد ات کی جا سکتی ہے۔ انہوں نے کہا کہ نیشنل کوآپریٹیو ڈیولپمنٹ کارپوریشن کے تحت کوآپریٹو ایکسپورٹ پرموشن فورم تشکیل دی گئی ہے ۔ اس سلسلے میں 20 ریاستوں سے تبالہ خیال کیا گیا ہے ۔ انہوں نے کہا کہ کوآپریٹیو پہلے گھریلو کاروبار تک محدود تھا جسے اب بین الاقوامی سطح پر لے جانا ہے۔