ریاست تلنگانہ کے معروف کاروباری ہیرا گروپ پر ای ڈی نے پونجی اسکیم بدعنوانی کے تحت بڑی کاروائی کرتے ہوئے لگ بھگ 300 کروڑ کی املاک ضبط کی ہے۔
ای ڈی کا کہنا ہے کہ 299.99 کروڑ کے اثاثے کو ضبط کرنے کے لیے منی لانڈرنگ کی روک تھام کے قانون (پی ایم ایل اے) کے تحت یہ کاروائی کی گئی ہے۔
جن املاک کو ضبط کیا گیا ہے ان میں تلنگانہ، کیرالا، مہاراشٹر، دہلی اور آندھراپردیش کی املاک ہیں، جن کی قیمت 277.29 کروڑ روپیے ہے۔ اس کے علاوہ بینک اکاؤنٹز جمع 22.69 کروڑ روپیے بھی ضبط کیے گئے ہیں۔
یہ کیس حیدرآباد میں ہیرا گروپ کی جانب سے چلائے جارہے دھوکادہی والی منی سرکولیشن اسکیم سے جڑا ہے۔ ای ڈی نے تلنگانہ پولیس اور دیگر لوگوں کی شکایات کی بنیاد پر کاروائی کی ہے۔