مغربی بنگال میں چائے کی منفرد انداز میں کاشتکاری شروع

مغربی بنگال میں اب چائے کی نامیاتی کاشتکاری کی جارہی ہے، خصوصاً دارجلنگ میں چائے کی کاشتکاری کرنے والے کسان اب نامیاتی چائے کی کاشتکاری کرنے لگے ہیں۔ پہاڑی اور نشیبی علاقوں میں کیڑے مارنے والی دواؤں کا استعمال کم کیا جارہا ہے۔

مرکزی وزارت کامرس اور ٹی بورڈ نے آف اںڈیا نے چائے باغات میں کیڑے مارنے والی دواؤں کے استعمال پر سخت ہدایات جاری کی ہیں۔ بورڈ نے بھارت میں چائے کی کاشتکاری کی نگرانی کے لیے دو ٹیمیں تشکیل دی ہیں۔ شمال مشرق بھارت کے لیے ٹی ریسرچ ایسو سی ایشن اور جنوب بھارت کے لیے (یو پی ایس اے آئی) ٹی ریسرچ فاؤنڈیشن کے ساتھ مل کر ایک چائے پلانٹ پروٹیکشن بورڈ تیار کیا ہے۔

ٹی بورڈ کا کہنا ہے کہ وہ اس سلسلے میں ای پی اے، ایف اے او اور ڈبلیو ایچ او، کوڈیکس اور دیگر تنظیموں کے ساتھ مل کر کام کررہی ہے۔

چائے باغات میں کیڑوں کے حملوں کو کم کرنے کے لیے گائے کے گوبر، نیم اور سرسوں کی کھلی، نیم کے تیل کا عموماً استعمال اور نامیاتی کاشتکاری کی جاتی ہے۔

ٹی بورڈکا کہنا ہےکہ' اب ان کا ہدف یہ ہے دارجلنگ کو 100 فیصد نامیاتی چائے کی کاشتکاری کے لائق بنانا ہے، ایسو سی ایشن نے حکومت سے دارجلنگ کو نامیاتی علاقہ بنانے کا مطالبہ کیا ہے۔