Modi Address Post Budget Webinar on Energy: شمسی توانائی میں بھارت بین الاقوامی فورم کی قیادت کر رہا ہے، مودی

وزیر اعظم نریندر مودی نے جمعہ کے روز 'توانائی کے شعبے میں پائیدار ترقی' کے موضوع پر ایک ویبینار سے خطاب کرتے ہوئے کہا کہ' بھارت کی سوچ واضح ہے کہ پائیدار ترقی پائیدار توانائی سے ہی ممکن ہے۔ Modi Address Post budget webinar on Energy

وزیر اعظم نریندر مودی نے پائیدار ترقی کے لیے توانائی کو اہم قرار دیتے ہوئے کہا کہ اس سلسلے میں ماحولیات کو متوازن رکھنے اور شمسی توانائی جیسے آپشن پر خصوصی توجہ دینے کی ضرورت ہے۔

وزیر اعظم نریندر مودی نے جمعہ کو ’توانائی کے شعبے میں پائیدار ترقی‘ کے موضوع پر ایک ویبینار سے خطاب کرتے ہوئے کہا کہ بھارت کی سوچ واضح ہے کہ پائیدار ترقی پائیدار توانائی سے ہی ممکن ہے، لیکن توانائی کے متبادل شعبوں میں خصوصی کام کرنے کی ضرورت ہے، تا کہ ماحولیات کو متوازن رکھنے میں مدد مل سکے۔ Sustainable Growth Possible only With Sustainable Energy Resources

انہوں نے کہا کہ بھارت شمسی توانائی میں بین الاقوامی فورم کی قیادت کر رہا ہے اور پوری دنیا میں صاف توانائی کو فروغ دینے کے عزم کو آگے بڑھا رہا ہے۔ اس کے لیے بنیادی سطح پر کام جاری ہے اور بجٹ میں بیٹری کی کارکردگی جیسے موضوعات کو اہمیت دی گئی ہے۔ اس کا مقصد جہاں زیادہ بجلی بچت کی ضرورت ہے‘ وہاں بجلی کی بچت کو اہمیت ملے اور صاف توانائی کے استعمال کو اس مشن کے ساتھ آگے بڑھایا جا سکے۔'

وزیر اعظم نے کہاکہ' بھارت صاف توانائی کے لیے مسلسل کام کر رہا ہے۔ انہوں نے کہا کہ' سنہ 2014 میں ایل ای ڈی بلب 400 روپے میں دستیاب تھے لیکن ان کی حکومت نے اس طرف توجہ دی جس کی وجہ سے اب مارکیٹ میں ایل ای ڈی بلب 70 سے 80 روپے میں دستیاب ہیں۔'

انہوں نے کہا کہ حکومت کی اس ایک اسکیم سے صاف توانائی کو فروغ ملا ہے اور ماحولیاتی تحفظ کی سمت میں اہم پہل ہوئی ہے۔ اس سے ملک کی 48000 میگاواٹ بجلی کی بچت ہوئی جس کے نتیجے میں 20000 کروڑ روپے کی سالانہ بچت ہوئی ہے۔ اس طرح سے کاربن اخراج کم کیا جا سکا ہے۔ ان کا کہنا تھا کہ اسٹریٹ لائٹ میں بھی میونسپلٹیز کو اس طرح کے بلب کے استعمال سے 6000 کروڑ روپیے کا فائدہ ہوا ہے اور کاربن اخراج میں 2500000 ٹن کی تخفیف کی گئی ہے۔

یو این آئی