ایل پی جی سلنڈر کی قیمتوں میں 25 روپے کا اضافہ

کورونا کیسز میں کمی اور ویکسین کی دستیابی کی وجہ سے مانگ میں بہتری کے دوران بین الاقوامی بازار میں ایل پی جی کی قیمتوں میں اضافہ درج کیا جارہا ہے۔

فروی میں ایل پی جی سلنڈر کی قیمتوں میں تیسری بار اضافہ کیا گیا ہے۔ جمعرات کے روز سبھی قسم کے ایل پی جی کی قیمتوں میں 25 روپے فی سلنڈر اضافہ کیا گیا۔ اس میں سبسڈی، غیرسبسڈی سلنڈر سمیت اجوالا اسکیم کے سلنڈر بھی شامل ہیں۔

کورونا کیسز میں کمی اور ویکسین کی دستیابی کی وجہ سے طلب میں بہتری کے دوران بین الاقوامی بازار میں ایل پی جی کی قیمتوں میں اضافہ درج کیا جارہا ہے۔ یہی وجہ ہے کہ گھریلو بازار میں رواں ماہ تیسری بار ایل پی جی سلنڈر کی قیمت میں اضافہ کیا گیا ہے۔

سرکاری ایندھن کمپنیوں کے نوٹیفکیشن کے مطابق، دہلی میں 14.2 کلوگرام سلنڈر کی قیمت اب 794 روپے ہوگئی ہے۔ اب تک اس کی قیمت 769 روپے تھی۔ خاص بات یہ ہے کہ سبسڈی اور غیر سبسڈی دونوں سلنڈروں کی قیمتوں میں اضافہ کیا گیا ہے۔