شروعاتی کاروبار میں سینسیکس میں 400 پوائنٹ کی برتری

بیرونی ممالک سے موصول مثبت اشاروں کے درمیان بینکنگ اور مالیاتی شعبے کی کمپنیوں میں خریداری سے جمعرات کے روز گھریلو شیئر بازاروں میں شروعاتی کاروبار میں زبردست تیزی دیکھی گئی۔

بی ایس ای کا 30 شیئروں والا سینسری انڈیکس سینسیکس 222.58 پوائنٹ کی تیزی کے ساتھ 31827.80 پوائنٹ پر کھلا اور پہلے گھنٹے میں ہی 32 ہزار پوائٹ کے نفسیاتی سطح کو پار کرکے 32032.99 پوائنٹ پر پہنچ گیا۔ نیشنل اسٹاک ایکسچنج کا نفٹی بھی 50 پوائنٹ کے اضافے کے ستھ 9364.95 پوائنٹ پر کھلا اور 9449.40 پوائنٹ تک چڑھ گیا۔

چوطرفہ خریداری کے درمیان درمیانی اور چھوٹی کمپنیوں میں بھی تیزی رہی۔ بی ایس ای کا مڈ کیپ اور اسمال کیپ ایک فیصد سے زیادہ کی تیزی میں رہے۔

لگاتار دوسرے دن بینکنگ اور مالیاتی کمپنیوں میں خریداری سے بازار کو حمایت ملی۔ انڈس انڈ بینک کے شیئر تقریباً 10 فیصد چڑھ گئے۔ ریلائنس انڈسٹری، ایل این ڈی ٹی اور ماروتی سوزوکی نے بھی بازار میں برتری میں تعاون دیا۔ آئی ٹی اور ٹیک سیکٹر کی کمپنیوں میں کمی دیکھی گئی۔