شیئر بازار نے برتری کے ساتھ مالی برس کو الوداع کہا

غیر ملکی بازاروں سے ملے مثبت اشاروں کے درمیان گھریلو شیئر بازار نے منگل کو ساڑھے تین فیصد سے زیادہ کی برتری کے ساتھ مالی برس 2019-20 کو الوداع کہا۔

بی ایس ای کا سینسیکس آج 1,028.17 پوائنٹ یعنی 3.62 فیصد کی تیزی کے ساتھ 29,468.49 پوائنٹ پر بند ہوا۔ کورونا وائرس ’کووڈ۔19‘ کی وبا پوری دنیا میں پھیلنے سے گزشتہ دو مہینے سے جاری دباؤ کی وجہ سے پورے مالی برس کے دوران اس میں 9,204.42 پوائنٹ (23.80 فیصد) کی گراوٹ رہی۔

نیشنل اسٹاک ایکسچنج کا نفٹی آج 316.65 پوائنٹ یعنی 3.82 فیصد کی برتری کے ساتھ 8,597.75 پوائنٹ پر رہا اور اس طرح پورے مالی برس کے دوران 3026.15 پوائنٹ 26.03 فیصد لڑھک گیا۔

متوسط اور چھوٹی کمپنیوں میں کام میں تیزی رہی۔ بی ایس ای کا میڈ کیپ 2.49 فیصد کی تیزی کے ساتھ 10,569.93 پوائنٹ پر اور اسمال کیپ 2.98 فیصد کی برتری کے ساتھ 9,608.92 پر بند ہوا۔ اس کے باوجود مالی برس کے دوران مڈکیپ 4,909.69 پوائنٹ یعنی 31.71 فیصد اور اسمال کیپ 5,418.44 پوائنٹ یعنی 36.06 فیصد کی گراوٹ رہی۔