سنسیکس 202 پوائنٹس کمزور

سنسیکس کی کمپنیوں میں مہندرا اینڈ مہندرا کا شیئر ڈھائی فیصد سے زیادہ اور ڈاکٹر ریڈیز لیب کا سوا دو فیصد کی گراوٹ میں رہا۔

ممبئی: بیرون ملک سے ملے جلے اشاروں کے درمیان گھریلو شیئر بازار میں آج اتار-چڑھاؤ دیکھا گیا اور بی ایس ای کا سنسیکس اور نیشنل اسٹاک ایکسچینج کا نفٹی تقریباً نصف فیصد کی گراوٹ میں بند ہوا۔

بازار پر شروع میں دباؤ رہا لیکن دوپہر کے آس پاس خریداری بڑھنے سے سنسیکس اور نفٹی کچھ دیر کے لیے ہرے نشان میں آ گئے۔ آئی ٹی، ٹیک اور ایف ایم سی جی کمپنیوں کے ساتھ ہی آئی سی آئی سی آئی بینک اور انفوسس جیسی بڑی کمپنیوں میں فروخت کے دباؤ میں سنسیکس بالآخر 202.22 پوائنٹس یعنی 0.42 فیصد ٹوٹ کر 45878.45 پوائنٹس پر بند ہوا۔

نفٹی 64.80 پوائنٹس یعنی 0.45 فیصد کم ہو کر 14341.35 پوائنٹس کے سطح پر آ گیا۔

درمیانی اور چھوٹی کمپنیوں پر بھی دباؤ دیکھا گیا۔ بی ایس سی کا مڈکیپ 0.16 فیصد چڑھ کر 19953.19 پوائنٹس پر اور اسمال کیپ 0.51 فیصد کے اضافے میں 21005.01 پوائنٹس پر پہنچ گیا۔

بی ایس ای میں بجلی گروپ 2.35 فیصد اور یوٹیلٹیز کا 1.75 فیصد بڑھ گیا۔ ٹیلی کام گروپ میں 1.33 فیصد اور ریئلٹی میں 1.07 فیصد کی گراوٹ تھی۔ آئی ٹی، ٹیک اور ایف ایم سی جی گروپ پر بھی دباؤ رہا۔

سنسیکس کی کمپنیوں میں مہندرا اینڈ مہندرا کا شیئر ڈھائی فیصد سے زیادہ اور ڈاکٹر ریڈیز لیب کا سوا دو فیصد کی گراوٹ میں رہا۔

ٹیک مہندرا، ہندوستان یونیلیور، بھارتی ایئرٹیل، آئی سی آئی سی بینک، ٹائیٹن، انفوسس اور ایل اینڈ ٹی کے شیئر ایک سے دو فیصد کے درمیان کم ہوئے۔

ایشیائی بازاروں میں ہانگ کانگ کا ہینگ سینگ 1.12 فیصد، جنوبی کوریا کا کوسپی 0.27 فیصد اور چین کا شنگھائی کمپوزٹ 0.26 فیصد کے اضافے کے ساتھ بند ہوئے جبکہ جاپان کا نکئی 0.57 فیصد کی گراوٹ میں تھا۔ یورپ میں شروعاتی کاروبار میں برطانیہ کا ایف ٹی ایس ای 0.44 فیصد اور جرمنی کا ڈیکس 0.39 فیصد کمزور ہوا۔

یو این آئی