اسٹیٹ بینک آف انڈیا نے بدھ کے روز کہا کہ اس کی مرکزی بورڈ کی ایگزیکٹو کمیٹی نے یس بینک کی فردر پبلک آفرنگ (ایف پی او) میں زیادہ سے زیادہ 1،760 کروڑ روپے تک کی سرمایہ کاری کے لئے منظوری دے دی ہے۔
قبل ازیں یس بینک نے منگل کے روز کہا تھا کہ اس نے بینک کے بورڈ آف ڈائریکٹرز کی کیپٹل ریزنگ کمیٹی سے ایف پی او کے ذریعے فنڈز وصول کرنے کی اجازت لی ہے۔
ایس بی آئی نے اسٹاک مارکیٹ کو ایک نوٹس میں اطلاع دیتے ہوئے کہا کہ، "یس بینک نے سات جولائی کو اسٹاک مارکیٹوں میں سرمایہ بڑھانے کے بارے میں معلومات دی تھیں۔ اس کے مطابق 8 جولائی 2020 کو اسٹیٹ بینک آف انڈیا کے سنٹرل بورڈ آف ڈائریکٹرز کی ایگزیکٹو کمیٹی نےیس بینک لمیٹڈ کے ایف پی او میں 1،760 کروڑ روپے تک کی سرمایہ کاری کی منظوری دی ہے۔ "
یس بینک نےکہا کہ بینک کے بورڈ آف ڈائریکٹرز کی کمیٹی کا اجلاس 10 جولائی یا اس کے بعد منعقد کیا جائے گا۔جس میں قیمت کی حد اور دیگر چیزوں پر غور و فکر کیا جائے گا اور ساتھ میں منظوری بھی دی جائے گی۔