ڈالر کے مقابلے روپے کی قدر میں کمی

بین بینکاری کرنسی مارکٹ میں جمعہ کے روز بھارتی کرنسی پانچ پیسے گر کر 75.84 روپے فی ڈالر رہی۔

بھارتی کرنسی آج مسلسل دوسرے روز کمزور ہوئی۔ اس سے پہلے کے کاروبار میں یہ 19 پیسے کی کمی سے 75.79 روپے فی ڈالر پر بند ہوئی تھی۔

اسٹاک مارکٹ میں ابتدائی کہرام سے کاروبار کے آغاز میں روپے پر دباؤ پڑا۔ اس کی قیمت 31 پیسے ٹوٹ کر 76.10 پر فی ڈالر ہو گئی۔ بعد میں اسٹاک مارکٹ میں گراوٹ کم ہونے سے روپے میں نمایاں بہتری آئی اور کاروبار کے اختتام تک وہ فی ڈالر 75.84 تک پہنچنے میں کامیاب ہوگیا۔ مجموعی طور پر ایک ہفتے میں روپیہ 26 پیسے کمزور ہوا ہے۔

دنیا کی دیگر بڑی کرنسیوں کی ٹوکری میں ڈالر انڈیکس کی ایک چوتھائی فیصد گراوٹ سے روپے کو کچھ استحکام حاصل ہوا۔ بین الاقوامی مارکٹ میں خام تیل کی نرمی سے بھی ہندوستانی کرنسی کی گرواٹ کچھ کم ہوئی۔