کساد بازاری سے رمضان کی رونق پھیکی

ملک بھر میں رمضان المبارک کا آغاز ہوچکا ہے، دنیا بھر کے مسلمان رمضان کی تیاریوں میں مشغول ہیں۔ وہیں تاجر طبقہ بھی رمضان میں کثرت سے استعمال ہونے والے پھل، میوہ جات، سیوئیاں، مختلف قسم کے شربت کا اسٹاک کررہا ہے۔

رمضان میں کھجور اور پھلوں کا استعمال زیادہ ہوتا ہے۔ مگر گزشتہ برس کے مقابلے رواں برس تاجر طبقہ عالمی مارکیٹ میں چھائی مندی سے پریشان نظر آرہا ہے۔

بھارت میں مختلف انواع و اقسام کے میوے اور کئی قسم کے پھل پڑوسی ملک پاکستان، لبنان اور غزہ سے در آمد کیے جاتے ہیں۔ لیکن ان ممالک میں جاری سیاسی کشیدگی کے باعث اشیائ کے درآمد میں مشکلات پیش آرہی ہے۔