سرکاری بینکوں کی حالت میں بہتری، این پی اے میں تیزی سے کمی: سیتارمن

وزیر خزانہ سیتارمن نے کہاکہ پبلک سیکٹر کے بینکوں کی پہل کے قابل ذکر نتیجہ سامنے آرہا ہے۔ ان کا رواں مالی برس کی پہلی سہ ماہی کا فائدہ گزشتہ پورے سال کے تقریباً برابر رہا۔

وزیر خزانہ نرملا سیتارمن نے بدھ کو کہاکہ پبلک سیکٹر کے بینکوں کی کوششوں کا نتیجہ سامنے آنے لگا ہے اور ان بینکو ں کا رواں مالی برس کی پہلی سہ ماہی کا فائدہ ان کے گزشتہ پورے مالی برس کے فائدہ کے تقریباً برابر ہے۔

انہوں نے بتایا کہ خالص این پی اے بھی ستمبر کی سہ ماہی میں سات برس کی کم از کم سطح 2.9فیصد پر آگیا۔ انہوں نے کہاکہ ملک میں کووڈ بحران کے بعد اقتصادی سرگرمیوں میں تیزی سے بہتری آئی ہے جو بھارتی معیشت کی مضبوطی کی علامت ہے۔ درج فہرست کمرشیل بینکوں کی مہم کی وجہ سے ان کے قرض کے کاروبار میں اچھا اضافہ ہوا ہے۔ ان کی طرف سے دیئے جانے والا قرض بڑھ کر ستمبر 2021میں 6.8 فیصد رہا جو ستمبر 2020میں 5.1 فیصد تھا۔

انہوں نے کہاکہ بینکوں نے اس مالی برس میں بازار سے دس ہزار کروڑ روپے کا سرمایہ جمع کیا ہے اور اب وہ حکومت سے سرمایہ نہیں مانگ رہے ہیں۔ انہوں نے کہاکہ 16 اکتوبر سے سات نومبر کے درمیان پورے ملک میں خصوصی قرض مدد مہم کے تحت 17,51,326اکاونٹس میں 76,011.79کروڑ روپے کے قرض منظور کئے گئے۔

یو این آئی