پیٹرول ڈیزل کی قیمتوں پر عوامی رائے

بین الاقوامی بازار میں خام تیل کی قیمتوں میں تیزی کے ساتھ ملک میں پیڑول ڈیزل کی قمیتوں میں زبردست اضافہ دیکھا جارہا ہے، مسلسل دسویں دن پیٹرول۔ ڈیزل کی قیمتوں میں اضافہ درج کیا گیا۔

اس سلسلے میں ای ٹی وی بھارت کے نمائندے نے احمد کے عوام سے ان کی رائے جاننے کی کوشش کہ کیا پیٹرول ڈیزل کی قیمتوں میں اضافہ سے وہ کس قدر متاثر ہوئے ہیں؟

خیال رہے کہ گجرات حکومت نے پیٹرول اور ڈیزل کی قیمتوں میں اچانک دو روپے اضافہ کردیا ہے۔ پیٹرول ڈیزل کی قیمتوں میں اضافہ سے احمد آباد کے لوگوں میں ناراضگی پائی جارہی ہے۔ ای ٹی وی بھارت کے نمائندہ نے جب عام لوگوں سے ان کی رائے جاننے کی کوشش کی تو انہوں نے کہا کہ' مرکزی حکومت تو ہر روز پچاس پیسے پیٹرول اور ڈیزل میں کی قیمت میں اضافہ کر رہی تھی اور اچانک گجرات حکومت نے دو روپے بڑھا دیے ہیں اس طرح ایک ہفتے کے درمیان تقریباً آٹھ روپے تک پیٹرول ڈیزل کے بھاؤ بڑھے ہیں۔ اور اب احمدآباد میں میں پیٹرول کی قیمت 74.33 روپے فی لیٹر اور ڈیزل کی قیمت 72.67 روپے فی لیٹر ہوگئی ہے۔

مقامی لوگوں کا کہنا ہے کہ کورونا وائرس کی وجہ سے ایسے بھی ہمارے کاروبار، دکانیں بند تھیں روزی روٹی کا ذریعہ بند تھا ہم فاقہ کشی کرنے پر مجبور ہوگئے تھے لیکن اب تھوڑی سی راحت ملی تو اس میں بھی حکومت نے عوام کے جیب کو خالی کرنے کا فیصلہ کرلیا ہے۔ ہر روز پٹرول ڈیزل کی قیمتوں میں اضافہ ہورہا ہے سرکار اپنی تجوری بھرنے کے لیے عوام پر اپنا بھوج ڈال دیا۔'