'پیزا ہٹ' کے بانی فرینک کارنی کا انتقال

پیزا ہٹ کے بانی فرینک کارنی کا 82 برس کی عمر میں امریکہ میں انتقال ہوگیا۔ کارنی کووڈ ۔19 سے صحت یاب ہوئے تھے لیکن ایک عرصے سے 'الزائمر کے مرض' میں مبتلا تھے اور بلا آخر آج ان کا انتقال ہوگیا۔

ویکیٹا: امریکی ریاست کینساس کے شہر ویکیٹا میں 'پیزا ہٹ' کی شروعات کرنے والے فرینک کارنی نیومونیا کی وجہ سے انتقال کر گئے۔ صنعتکار فرینک کارنی کی عمر 82 برس تھی۔ کارنی نے اپنے بھائی کے ساتھ مل کر 'پیزا ہٹ' کی شروعات کی تھی۔

ویکیٹا ایگل اخبار کے مطابق کارنی حال ہی میں کوووڈ 19 سے صحت یاب ہوئے تھے، لیکن وہ ایک عرصے سے 'الزائمر کے مرض' میں مبتلا تھے۔ اس کی اہلیہ اور بھائی نے بتایا کہ انہوں نے صبح ساڑھے چار بجے یہاں رہائش گاہ میں آخری سانس لی۔

فرینک کارنی نے ویزیٹا اسٹیٹ یونیورسٹی میں تعلیم حاصل کرتے ہوئے 19 سال کی عمر میں اپنے 26 سالہ بھائی ڈین کے ساتھ پیزا کا کاروبار شروع کیا تھا۔ انہوں نے کاروبار شروع کرنے کے لیے اپنی والدہ سے $ 600 قرض لیاتھا۔

کارنی سنہ 1992 میں ریاست وِیکیٹا میں ایک پریس کانفرنس میں کہا تھا کہ جب آپ کالج میں تعلیم حاصل کرتے ہوئے کوئی کاروبار شروع کرتے ہیں تو آپ اس بارے میں نہیں سوچتے کہ معیشت کیسی ہے۔

انہوں نے کہا کہ ہم نے کبھی اس کے بارے میں نہیں سوچا کہ وائٹ ہاؤس میں کون ہے یا بے روزگاری کی شرح کیا ہے۔ انہوں نے کہا کہ ایک کاروباری ہمیشہ یہ سوچتا ہے کہ اس کی مصنوعات کے لیے کوئی منڈی ہے۔ کیا میں اسے بیچ سکتا ہوں؟

واضح رہے کہ سنہ 1977 میں پیپسیکو کمپنی نے پیزا ہٹ کو 300 ملین ڈالر میں خرید لیا تھا۔ اگلے برس انہوں نے بہت سے کاروبار میں اپنا ہاتھ آزمایا۔