'ایف ٹی اے میں قومی مفادات سے سمجھوتہ نہیں ہوگا'

کامرس و صنعت کے مرکزی وزیر پیوش گوئل نے بدھ کے روز کہا کہ بھارت کسی بھی ملک کے ساتھ آزاد تجارت معاہدہ (ایف ٹی اے) اپنی شرائط پر کرے گا اور قومی مفادات کے ساتھ کوئی سمجھوتہ نہیں کیا جائے گا۔

مسٹر گوئل نے یہاں 'میک ان انڈیا' پروگرام پر ریاستوں کے ساتھ ایک مشاورتی ورکشاپ میں کہا کہ بھارت کسی بھی ملک یا فریق کے ساتھ جلد بازی میں ایف ٹی اے یا اقتصادی شراکت داری نہیں کرے گا اور سمجھوتہ کرتے وقت ملک اور شہریوں کے مفاد بہت کو ترجیح دی جائے گی۔ کسی بھی سمجھوتے کو حتمی شکل دیتے وقت تمام فریقوں کے مفادات کا خیال رکھا جائے گا اور ان میں ہم آہنگی پیدا کی جائے گی۔ ورکشاپ میں کامرس و صنعت کے وزیر مملکت ہردیپ سنگھ پوری اور سوم پركاش نیز 27 ریاستوں کے صنعت و تجارت کے وزراء نے حصہ لیا'۔

انہوں نے کہا کہ بھارت ایف ٹی اے کے لئے یورپی یونین اور برطانیہ کے ساتھ بات چیت کر رہا ہے اور آئندہ چند ماہ میں معاہدے کے لئے مذاکرات شروع ہو جائیں گے۔ انہوں نے کہا کہ ایف ٹی اے صرف ان علاقوں میں کیا جائے گا جو بھارتی مفادات کے مطابق ہوں گے اور ملک میں روزگار کے مواقع پیدا کریں گے۔

مرکزی وزیر نے کہا کہ بھارت موجودہ عالمی اقتصادی منظر نامے سے الگ تھلگ نہیں ہو سکتا۔ ملک کو عالمی معیشت کے ساتھ وابستہ ہونا ہوگا لیکن اس کے لئے تحفظاتی اقدامات کئے جائیں گے۔ گھریلو صنعت، بازار اور سروس سیکٹر کے شعبے کو ہر قیمت پر بچا کیا جائے گا۔