نئی دہلی: پیٹرول اور ڈیزل کی قیمتیں آج ریکارڈ سطح پر مستحکم رہیں۔ اس سے قبل جمعہ کے روز قیمتوں میں اضافہ ہوا تھا۔ معروف آئل مارکیٹنگ کمپنی 'انڈین آئل کارپوریشن' کے مطابق دہلی میں پیٹرول کی قیمت 96.93 روپے اور ڈیزل کی قیمت 87.69 روپے فی لیٹر پر مستحکم رہی۔
دہلی میں ماہ جون میں اب تک پیٹرول کی قیمت 2.70 روپے اور ڈیزل کی قیمت 2.54 روپے فی لیٹر بڑھ چکی ہے۔ اس سے قبل مئی میں پیٹرول 3.83 روپے اور ڈیزل 4.42 روپے فی لیٹر مہنگا ہوا تھا۔ ملک کے دوسرے شہروں میں بھی ان کی قیمتوں میں بھی کوئی تبدیلی درج نہیں کی گئی۔
ممبئی میں پیٹرول کی قیمت 103.08 روپے اور ڈیزل کی قیمت 95.14 روپے فی لیٹر رہی۔ چنئی میں آج ایک لیٹر پیٹرول 98.14 روپے اور ڈیزل 92.31 روپے میں فروخت ہوا۔ کولکاتا میں پیٹرول کی قیمت 96.84 روپے اور ڈیزل 90.54 روپے فی لیٹر پرمستحکم رہی۔