مسلسل پانچویں دن پٹرول ۔ڈیزل سستا ہوا

ملک میں مسلسل پانچویں دن پٹرول کی قیمت آج تین ہفتے سے زیادہ کی نچلی سطح پر پہنچ گئی۔

اسی طرح ڈیزل کی قیمت ڈھائی ہفتے کی نچلی سطح پر آگئی ملک کی سب سے بڑی تیل مارکیٹنگ کمپنی انڈین آئل کارپوریشن کے مطابق، قومی دارالحکومت دہلی میں پیٹرول 11 پیسے سستا ہوکر 74.98 روپے فی لیٹرہو گیا۔ یہ 29 دسمبر کے بعد کی سب سے نچلی سطح ہے۔
ڈیزل کی قیمت بھی 19 پیسے کم ہوکر 68.26 روپے فی لیٹر پر پہنچ گئی جو 03 جنوری کے بعد سب سے نچلی سطح ہے۔

کولکاتا میں بھی پٹرول 11 پیسے کم ہوکر 77.58 روپے فی لیٹر رہ گیا۔ ممبئی میں اس کی قیمت 10 پیسے کی کمی کے ساتھ 80.58 روپے اور چنئی میں 12 پیسے کم ہوکر 77.89 روپے فی لیٹر ہوگئی۔

ڈیزل کی قیمت کولکاتا میں 19 پیسے کم ہوکر 70.62 روپے فی لیٹر رہی۔ ممبئی اور چنئی میں بھی ان کی قیمت 20-20 پیسے کی کمی کے ساتھ بالترتیب 71.57 روپے اور 72.13 روپے فی لیٹر رہی۔