مسلسل پانچویں دن پٹرول اور ڈیزل سستا

بین الاقوامی بازار میں خام تیل کی قیمتوں میں جاری کمی کے درمیان ملک میں پٹرول۔ڈیزل کی قیمتیں پیر کو مسلسل پانچویں دن کم ہوئیں۔

ملک کی سب سے بڑی تیل کمپنی انڈین آئل کارپوریشن کے مطابق دارالحکومت دہلی میں پٹرول آج 15پیسے سستا ہوکر 73.71روپے فی لیٹر رہ گیا۔ یہ 15نومبر کے بعد سب سے نچلی سطح ہے۔ ڈیزل کی قیمت بھی 25پیسے کم ہوکر 21 دسمبر کے بعد کی نچلی سطح 66.71روپے فی لیٹر پر آگیا۔

کولکاتا، ممبئی اور چنئی میں پٹرول کی قیمت پندرہ پندرہ پیسے کم ہوکر بالترتیب 76.33روپے، 79.32روپے اور 76.56روپے فی لیٹر پر آگئی۔

ڈیزل کی قیمت کولکتہ میں 25پیسے کم ہوکر 69.07فی لیٹر رہی جبکہ یہ ممبئی اور چنئی میں یہ 26-26پیسے سستا ہوکر بالترتیب 69.93روپے اور 70.47 روپے فی لیٹر فروخت ہوا۔