مسلسل پانچویں دن پیٹرول ڈیزل کے دام مستحکم

بین الاقوامی بازار میں ایک بار پھر خام تیل کی قیمتوں میں اضافے کے باوجود، مقامی طور پر آج مسلسل پانچویں روز بھی پیٹرول اور ڈیزل کی قیمتوں میں کوئی تبدیلی نہیں ہوئی۔

اس سے قبل منگل کو پیٹرول 22 پیسے اور ڈیزل 23 پیسے فی لیٹر سستا ہوا تھا۔ منگل کو دہلی میں پیٹرول کے دام 22 پیسے کم ہوکر 90.56 روپے فی لیٹر اور ڈیزل بھی 23 پیسے کی کمی کے ساتھ 80.87 روپے فی لیٹر پر آگئے۔

آئل مارکیٹنگ کمپنی انڈین آئل کارپوریشن کے مطابق، اتوار کو پیٹرول اور ڈیزل کی قیمتوں میں کوئی تبدیلی نہیں کی گئی ہے۔ بین الاقوامی مارکیٹ میں ایک بار پھر خام تیل کی قیمتوں میں تیزی دیکھی گئی۔ لندن برینٹ کروڈ 64 ڈالر فی بیرل کو عبور کرگیا ہے۔

ملک کے چاروں میٹرو شہروں میں پیٹرول اور ڈیزل کی قیمت اس طرح ہے: -

شہر پیٹرول ڈیزل

دہلی 90.56 80.87

ممبئی 96.98 87.96

چنئی 92.58 85.88

کولکاتا 90.77 83.75