نئی دہلی: ریزرو بینک آف انڈیا (آر بی آئی) نے 100، 10 اور 5 کے پرانے نوٹوں کو واپس لینے سے متعلق میڈیا رپورٹس غلط بتایا ہے۔ مرکزی بینک نے ایک ٹویٹ میں واضح کیا ہے کہ ماضی میں میڈیا میں گردش کی جانے والی ایسی خبریں غلط ہیں۔
مزید پڑھیں:لاک ڈاؤن کے دوران امیر کی دولت میں 35 فیصد اضافہ: رپورٹ
واضح رہے کہ ریزرو بینک آف انڈیا (آر بی آئی) کے جنرل منیجر بی ایم مہیش کے حوالے سے میڈیا میں ایک خبر سرخیوں میں تھی جس کے مطابق مارچ سے 100 روپے کے پرانے نوٹ چلن میں نہیں رہیں گے۔ ان کی جگہ 100 روپے کے نئے نوٹ اب استعمال ہوں گے۔
ضلع پنچایت نیتروتی ہال میں منعقدہ ضلع سطح پر بینکنگ سیکیورٹی اور کیش مینجمنٹ میٹنگ میں اظہار خیال کرتے ہوئے انہوں نے کہا تھا کہ 100 روپے کے پرانے نوٹ واپس لے لیے جائیں گے کیونکہ زیادہ تر نوٹ جعلی ہیں۔ آر بی آئی پچھلے 6 مہینوں سے انہیں نہیں چھاپ رہی ہے۔