جی 20 ممالک کے وزرائے خزانہ اور مرکزی بینکوں کے گورنرز ہفتے کے روز سعودی عرب کے ریاض میں عالمی معیشت کی موجودہ صورتحال اور کرونا وائرس کے انفیکشن سے پیدا ہونے والے خطرات کے بارے میں دو دن تبادلہ خیال کے لیے جمع ہوئے۔
اس دو روزہ مباحثے میں منتظمین کا کہنا تھا کہ جی 20 کے 'وزیر خزانہ اور مرکزی بینک کے گورنرز عالمی معیشت کی ترقی میں حائل روکاوٹ سے نپٹنے کے تعلق سے ممکنہ پالیسی و اقدامات پر تبادلہ خیال کریں گے۔'
خیال رہے کہ یہ اجلاس ایک ایسے وقت میں ہو رہا ہے جب چین 'کرونا' جیسی مہلک وبا کی زد میں ہے۔ چین میں اب تک کرونا سے ہزاروں کی تعداد میں لوگ ہلاک ہوچکے ہیں اور بیشتر ممالک کے شہریوں کی چین میں آمد ورفت بند ہے۔
منتظمین کا کہنا تھا 'ان کے علاوہ وہ معیشتوں کو ڈیجیٹلائزیشن کے دور میں ٹیکس لگانے کے چیلنجوں پر بھی تبادلہ خیال کریں گے۔ اس کانفرنس کی صدارت سعودی عرب کررہے ہیں۔ اس کا موضوع 'سب کے لیے اکیسویں صدی کے مواقع کی شناخت' ہے۔
یہ پہلا موقع ہے جب کسی عرب ملک میں جی 20 کی میزبانی کررہا ہے۔ اس دو روزہ اجلاس کے دوران، سعودی عرب کے وزیر خزانہ محمد بن عبداللہ الجدعان اور سعودی عرب کے مرکزی بینک کے گورنر چیئرمین کے کردار ادا کریں گے'۔
