مائکرو، اسمال اور میڈیم انڈسٹری کے مرکزی وزیر نتن گڈکری نے دیہی سطح پر تحقیق، ترقی اور اختراع کے ذریعہ انقلاب لانے کی اپیل کرتے ہوئے کہا کہ اس سے گاؤں میں بہتر زندگی مہیا ہوگی اور شہروں کی جانب ہجرت روکی جا سکے گی۔
مسٹر گڈکری نے مہاراشٹر کے وردھا میں ایک لیبارٹری سے خطاب کرتے ہوئے کہا کہ' دیہی علاقوں میں ٹیکنالوجی کی تشہیر کی جانی چاہیے۔ انہوں نے کہا کہ کھادی اور دیہی صنعت سالانہ 88000 کروڑ روپے کی ہے۔ اگر اس میں لچکدار پالیسی اپنائی جائے تو اس میں کافی اضافہ کیا جا سکتا ہے۔'
انہوں نے کہا کہ' اس کے لیے دیہی سطح پر نئی ٹیکنالوجی، تحقیق اور اختراع اختیار کرنے کی ضرورت ہے۔ اس سے دیہی خطوں میں رہنے والی آبادی کی معیار زندگی بہتر ہوگی۔ انہوں نے کہا کہ اگر اچھے طریقے سے مارکیٹنگ کی جائے تو گاؤں میں تیار اشیاء کو بڑے بازاروں میں فروخت کیا سکتا ہے۔
مرکزی وزیر نے گاندھی جی، بنوبا بھاوے، پنڈت دین دیال اپادھیائے، رام منوہر لوہیا اور جے پرکاش نارائن کا ذکر کرتے ہوئے کہا کہ یہ تمام دیہی علاقوں کی ترقی چاہتے تھے۔ ان کا ماننا تھا کہ دیہی علاقوں میں رہنے والے افراد کی سطح زندگی بہتر ہونی چاہیے۔
گڈکری نے کہا کہ آزادی کے بعد دیہی علاقے کی 30 فیصد آبادی شہروں کی جانب ہجرت کر چکی ہے‘گاؤں میں ترقی نہ ہونے کے سبب یہ ہوا ہے۔
یو این آئی