کمپنی نے آج یہاں جاری ایک بیان میں کہا کہ یہ ہندوستان میں واحد مِنی ٹرک ہے جس میں 4 سلنڈر انجن ہے۔ سُپر کَیری Maruti Suzuki Super keri کمرشیل صارفین کی متنوع ضروریات کو پورا کرتی ہے۔ یہ ایک متاثر کن گُڈس (سامان) کیریئر ہے۔ پیٹرول اور سی این جی کے آپشن میں دستیاب، ماروتی سوزوکی سپر کیری خاص طور پر ہندوستان کے لیے تیار کی گئی ہے۔ اسے ہندوستان میں مِنی ٹرکوں کے صارفین کی ضروریات کوپیش نظر رکھتے ہوئے ڈیزائن کیا گیا ہے۔
کمرشیل سیگمینٹ ماروتی سوزوکی نے 2016 میں ہندوستان میں سُپر کیَری Maruti Suzuki Super keri پیش کرکے قدم رکھا تھا۔ تھوڑے ہی عرصے میں، سپر کیری کو صارفین نے کٹیگری کی بہترین پاور، بہترین مائلیج، آسان مینٹینینس ، کمفرٹ اور اسٹور کرنے کی اعلیٰ صلاحیت کی وجہ سے بے حد سراہا کیونکہ اس نے ان کے منافع میں اضافہ کرنے میں مدد کی۔