ممبئی: بیرونی منڈیوں سے ملنے والے منفی اشاروں کے درمیان زراعتی اصلاحات کی قانون سازی پر جاری گھمسان اور کورونا وائرس کے بڑھتے ہوئے معاملوں کی وجہ سے حوصلہ پست سرمایہ کاروں کے ذریعہ فروخت کے دباؤ میں گھریلو شیئر بازار پیر کے روز کاروبار کے دوران سرخ نشان میں رہے اور مسلسل تیسرے دن گراوٹ کے ساتھ بند ہوئے۔
مزید پڑھیں: 'صرف ایم ایس پی پر وعدے نہیں، کسان تمام فصلوں پر گارنٹی چاہتے ہیں'
بی ایس ای کا انڈیکس سینسیکس 811.68 پوائنٹز کی گراوٹ کے ساتھ 38،034.14 پوائنٹز پر بند ہوا اور نیشنل اسٹاک ایکسچینج کا نفٹی 282.75 پوائنٹز کی کمی سے 11،222.20 پوائنٹز پر بند ہوا۔
آج کاروبار کے آغاز میں گراوٹ کے ساتھ سینسیکس 38،812.69 پوائنٹز پر کھلا اور یہ گزشتہ روز کے مقابلے میں 2.09 فیصد کم ہوکر 38،034.14 پوائنٹز پر بند ہوا۔ سنسیکس کی 30 کمپنیوں میں سے صرف تین کمپنیوں کوٹک بینک، انفو سس اور ٹی سی ایس کے حصص کی قیمتوں میں اضافہ ہوا۔ باقی تمام 27 کمپنیوں کے حصص کی قیمتون میں کمی ہوئی۔
نفٹی کا گراف بھی سنسیکس کی طرح تھا۔ یہ بھی گراوٹ کے ساتھ 11،503.80 پوائنٹز پر کھلا۔ یہ کاروبار کے دوران 11،535.25 پوائنٹز کی بلند ترین سطح تک پہنچا اور گزشتہ روز کے مقابلے 2.46 فیصد کی کمی کے ساتھ 11،222.20 پوائنٹز پر بند ہوا۔ نفٹی کی 50 کمپنیوں میں سے 47 کمپنیوں میں گراوٹ رہی جبکہ تین کمپنیوں میں تیزی رہی۔ وہی تین کمپنیاں جو سنسیکس میں مضبوط رہی تھیں، وہ نفٹی میں بھی تیز رہیں۔
TAGGED:
بی ایس ای کا انڈیکس سینسیکس