چھ دنوں کے اندر 53 فیصد لکشمی ولاس بینک کے شیئر میں گراوٹ

چھ کاروباری دنوں کے اندر ایل وی بی کے شیئر میں 53 فیصد گراوٹ درج کی گئی ہے۔ منگل کے روز بی ایس ای میں بینک کا اسٹاک 9.88 فیصد گر کر 7.30 روپے پر آگیا اور اس نے نچلے سرکٹ کو چھولیا۔

نئی دہلی: بحران سے متاثرہ لکشمی ولاس بینک (ایل وی بی) کے شیئر میں منگل کے روز مسلسل چھٹے کارباری دن بھی گراوٹ درج کی گئی۔ بینک کے بارے میں بہت سی منفی خبریں آرہی ہیں جس کی وجہ سے سرمایہ کار بینک کے شیئر فروخت کرر ہے ہیں۔

چھ کاروباری دنوں کے اندر ایل وی بی کے شیئر میں 53 فیصد گراوٹ درج کی گئی ہے۔ منگل کے روز بی ایس ای میں بینک کا اسٹاک 9.88 فیصد گر کر 7.30 روپے پر آگیا اور اس نے نچلے سرکٹ کو چھولیا۔ بینک کا اسٹاک ایک برس کی کم ترین سطح پر پہنچ گیا ہے۔

نیشنل اسٹاک ایکسچینج میں بھی بینک کا حصہ 9.88 فیصد گر کر 7.30 روپے پر آگیا اور لوئر سرکٹ کو چھو لیا۔ بی ایس ای میں چھ تجارتی دنوں کے اندر بینک کے شیئر میں 53.35 فیصد گراوٹ درج کی گئی۔

گذشتہ ہفتے منگل کو حکومت نے ایل وی بی سے رقم نکالنے کی حد مقرر کر دی تھی۔ نیز بینک کا بورڈ بھی تحلیل کردیا گیا تھا۔

بینک سے رقم نکالنے کی حد 25،000 روپے مقرر کی گئی ہے۔