بجٹ میں استعمال ہونے والی مشکل اصطلاحات کے معنی و مفہوم سمجھیں

بجٹ کو سمجھنا ہر کسی کے لیے آسان نہیں ہوتا کیونکہ بجٹ میں استعمال ہونے والے کئی ایسے الفاظ ہیں جن کا مفہوم عموماً لوگوں کو پتہ ہی نہیں ہوتا۔ اگر ان الفاظ اور اصطلاحوں کے معنی جان لیے جائیں تو بجٹ کو سمجھنے میں آسانی ہو سکتی ہے۔ آئیے جانتے ہیں کچھ مشکل الفاظ اور اصطلاحوں کے مفہوم اور ان کی تشریح۔

مجموعی گھریلو پیداوار (جی ڈی پی) کیا ہے؟

جی ڈی پی ملک میں تمام لوگوں اور کمپنیوں کے ذریعہ تیار کردہ تمام اشیاء اور خدمات کی کل قیمت کو کہتے ہیں۔ جی ڈی پی میں سبھی نجی اور عوامی کھپت، سرمایہ کاری، سرکاری اخراجات، نجی انوینٹرز، ادائیگی میں تعمیراتی اخراجات اور تجارت کا غیر ملکی توازن شامل ہے۔ آسان لفظوں میں، جی ڈی پی کسی ملک کی معاشی سرگرمی کی ایک وسیع پیمائش ہے۔

بجٹ کی قسمیں:

نمبر (1) بیلنس بجٹ

نمبر (1) سرپلس بجٹ

نمبر (2) خسارے کا بجٹ

بیلنس بجت کا مطلب ہے کہ حکومت ایسا بجت پیش کرتی ہے جس میں آمدنی و خرچ برابر ہو۔

سرپلس بجت کا مطلب ہے کہ حکومت ایسا بجت پیش کرتی ہے جس میں آمدنی زیادہ ہوتی ہے اور اخراجات کم ہوتے ہیں۔

خسارے کا بجٹ یا مالی خسارہ یہ ہے کہ حکومت اپنے اخراجات پورے کرنے کے لیے قرض لے، یعنی آمدنی سے زیادہ خرچ کو خسارہ بجٹ کہا جاتا ہے۔

بجٹ کی قسمیں:

عام بجٹ اور عبوری بجٹ:

حکومت کے سالانہ آمد و خرچ کو بجٹ کہتے ہیں۔ بجٹ میں حکومت آمد و خرچ کے بارے میں معلومات پیش کرتی ہے۔ اسے عام بجٹ کہتے ہیں، جبکہ انتخابی سال میں پیش ہونے والے بجٹ کو عبوری بجٹ کہتے ہیں، عبوری بجٹ میں بھی موجودہ وزیر خزانہ پورے برس کے لیے بجٹ پیش کرتا ہے، لیکن انتخابات کے بعد اقتدار میں آنے والی حکومت دوبارہ عام بجٹ پیش کرتی ہے۔

ریونیو انکم؟

ریونیو انکم ایسے آمدنی کو کہتے ہیں جو حکومت کے اثاثے کو خرچ کیے بغیر حاصل ہونے والی آمدنی جیسے ٹیکس، جرمانے کی رقم، اجرت کی رقومات وغیرہ۔

ڈائریکٹ ٹیکس وہ ٹیکس ہوتا ہے جو اشخاص اور اداروں کی آمدنی پر لگایا جاتا ہے

ڈائریکٹ ٹیکس:

ڈائریکٹ ٹیکس وہ ٹیکس ہوتا ہے جو اشخاص اور اداروں کی آمدنی پر لگایا جاتا ہے چاہے وہ آمدنی کسی بھی ذریعہ سے ہوئی ہو۔ مثلاً سرمایہ کاری، تنخواہ، سود وغیرہ۔ ٹیکس دہندگان ڈائریکٹ ٹیکس کا بوچھ کسی دوسرے پر نہیں ڈال سکتے ہیں، انہیں خود ہی ادا کرنا ہوتا ہے۔

اِن ڈائریکٹ ٹیکس:

صارفین کے ذریعہ سامان خریدنے اور سروسز، خدمات کا استعمال کرنے کے دوران ان پر لگایا جانے والے ٹیکس کو اِن ڈائریکٹ ٹیکس کہتے ہیں۔ جی ایس ٹی، کسٹمز ڈیوٹی اور ایکسائز ڈیوٹی وغیرہ اِن ڈائریکٹ ٹیکس کے تحت ہی آتے ہیں۔

کسٹمز ڈیوٹی:

کسٹمز ڈیوٹی وہ فیس ہوتی ہے جو برآمد و درآمد ہونے والی اشیا پر لگائی جاتی ہے۔

کسٹمز ڈیوٹی:

ایکسائز ڈیوٹی:

ایکسائز ڈیوٹی وہ فیس ہوتی ہے جو ملک کے اندر بنائی جانے والی چیزوں پر لگائی جاتی ہے۔

مالی خسارہ:

حکومت کی کل آمدنی اور خرچ میں فرق کو سرکاری خسارہ یا مالیاتی خسارہ کہتے ہیں۔ آمدنی اور خرچ کے درمیان توازن قائم رکھنے کے لیے حکومت ہر برس جو اضافی رقم قرض لیتی ہے اسے مالی خسارہ کہا جاتا ہے۔

ڈِس انویسٹمنٹ:

پبلک اداروں یعنی سرکاری شراکت داری والے ادارے کو فروخت کرنے کے عمل کو ڈِس انویسٹمنٹ کہتے ہیں۔ اس کا مطلب ہے کہ حکومت اس ادارے کے تحت خسارہ میں چل رہی ہے۔ پبلک سیکٹر کی کمپنیوں اور اداروں کو بہتر کرنے کے لیے کچھ شراکت داری کو شیئر یا بانڈ کی شکل میں فروخت کرتی ہے۔

چالو کھاتہ خسارہ:

جب کسی ملک کی اشیاء، سروسز اور ٹرانسفر کی درآمد اس کی برآمد سے زیادہ ہوتی ہے تو چالو کھاتہ خسارہ کی حالت سامنے آتی ہے۔

سبسیڈی:

حکومت کی جانب سے اشخاص یا گروپوں کو نقدی یا ٹیکس سے چھوٹ کی شکل میں دیا جانے والا فائدہ سبسیڈی کہلاتا ہے۔

کیپیکس :

کیپٹل ایکسپینڈیچر یا کیپیکس کسی حکومت کے ذریعہ کیا جانے والا وہ خرچ ہوتا ہے جو مستقبل کے لیے منافع کا موقع پیدا کرتا ہے۔

خیال رہے کہ سنہ 2021۔ 22 لیے مرکزی وزیر خزانہ نرملا سیتا رمن یکم فروری کو عام بجٹ پیش کرنے والی ہیں۔ جو مودی حکومت کی دوسری میعاد کا تیسرا بجٹ ہوگا۔