ستمبر میں خوردہ افراط زر کم ہوکر 4.35 فیصد

ملک میں خوردنی اشیا کی قیمتوں میں آئی کمی کی وجہ سے اس سال ستمبر میں کنزیومر پرائس انڈیکس (سی پی آئی) پر مبنی خوردہ افراط زر گذشتہ برس کے اسی مہینے میں 7.27 فیصد کے مقابلے 2.02 فیصد کمی سے 4.35 فیصد پر آگئی ہے۔

منگل کو شماریات اور پروگرام پر عمل درآمد کی وزارت کی جانب سے جاری اعداد و شمار کے مطابق ، ستمبر 2021 میں خوردہ افراط زر 4.35 فیصد رہی جبکہ ستمبر 2020 میں یہ 7.27 فیصد رہی تھی۔ اسی طرح اگست 2021 میں سی پی آئی پر مبنی خوردہ افراط زر کی شرح 5.30 فیصد رہی تھی۔

زیر جائزہ مدت دیہی سطح پر خوردہ افراط زر 7.36 فیصد سے کم ہو کر 4.13 فیصد اور شہری افراط زر 7.26 فیصد سے کم ہو کر 4.57 فیصد رہ گئی ہے۔ اس سال اگست میں دیہی افراط زر 5.28 فیصد اور شہری افراط زر 5.32 فیصد رہی تھی۔ ستمبر کے اعداد و شمار عارضی ہیں جبکہ اگست کے اعداد و شمار حتمی ہیں۔

صارفین کی اشیاء کی قیمتوں (سی ایف پی آئی) میں زبردست کمی کی وجہ سے ستمبر میں خوردہ افراط زر میں کمی آئی ہےستمبر 2020 میں سی ایف پی آئی جہاں 10.68 فیصد رہی وہیں ، یہ شرح ستمبر 2021 میں کم ہو کر 0.68 فیصد رہ گئی ہے۔ اگست 2021 میں یہ 3.11 فیصد تھی۔

یو این آئی