ریلوے ملازمین کو 78 دنوں کی تنخواہ کے برابر بونس

وزیر اعظم مودی نے ہر برس کی طرح ریلوے کے 11 لاکھ 56 ہزار نان گزٹیڈ ملازمین کو 78 دنوں کی تنخواہ کے برابر بونس دینے کا فیصلہ کیا ہے۔

تیوہاراروں کے موسم سے پہلے حکومت نے تقریباً11 لاکھ ریلوے ملازمین کو 78 دن کی تنخواہ کے برابر پیداوار پر مبنی بونس دینے کا فیصلہ کیا ہے۔ یہ فیصلہ بدھ کے روز وزیر اعظم نریندر مودی کی صدارت میں مرکزی کابینہ کے اجلاس میں کیا گیا۔

میٹنگ کے بعد وزیر اطلاعات و نشریات انوراگ سنگھ ٹھاکر نے ایک پریس کانفرنس میں بتایا کہ وزیر اعظم مودی نے کووڈ کی وجہ سے انتہائی معاشی حالات کے باوجود ہر برس کی طرح ریلوے کے 11 لاکھ 56 ہزار نان گزٹیڈ ملازمین کو 78 دنوں کی تنخواہ کے برابر پیداوار پر مبنی بونس دینے کا فیصلہ کیا ہے۔

مسٹر ٹھاکر نے بتایا کہ اس سے سرکاری خزانے پر تقریباً 1985 کروڑ روپے کا بوجھ پڑے گا۔

(یو این آئی)