نئی دہلی: ہوابازی کے ضابطہ کار ادارے، شہری ہوابازی کے ڈائریکٹر جنرل (ڈی جی سی اے) نے وبائی مرض کورونا وائرس کے پیش نظر بین الاقوامی کمرشل مسافر پروازوں کی خدمات کی معطلی میں 31 مئی تک توسیع کردی ہے۔ اس دوران جبکہ ملک میں گذشتہ ایک ہفتے سے روزانہ تین لاکھ سے زائد کیسز سامنے آرہی ہیں۔
مزید پڑھیں: کورونا کا اثر: 6 کروڑ 40 لاکھ خواتین روزگار سے محروم
ڈائریکٹوریٹ جنرل آف سول ایوی ایشن (ڈی جی سی اے) کے جاری کردہ سرکلر میں کہا گیا ہے 26-06-2020 کو جاری کردہ سرکلر میں ترمیم کی گئی ہے۔
سرکلر میں کہا گیا ہے کہ اس پابندی کا اطلاق بین الاقوامی آل کارگو آپریشنوں اور پروازوں پر نہیں ہوگا جن کو خصوصی طور پر ڈی جی سی اے نے منظور کیا ہے۔
ملک بھر میں کورونا کیسز میں اضافے کے پیش نظر مسافر پروازوں کو 25 مارچ 2020 کو معطل کر دیا گیا تھا۔ تاہم گھریلو پرواز کی خدمات 25 مئی 2020 سے دوبارہ بحال ہوئی تھیں۔