ٹیکس دہندوں کو بیدار کرنے کے لیے سمینار کا انعقاد

انکم ٹیکس ریٹرن داخل کرنے کا عمل اور بروقت انکم ٹیکس جمع کرنے کے تئیں ٹیکس دہندوں کو بیدار کرنے کے لیے آج انکم ٹیکس بیداری سمینار کا انعقاد کیا گیا۔

جوائنٹ انکم ٹیکس کمشنر ( پٹنہ) سپریا مجمدار نے سمینار سے خطاب کرتے ہوئے کہاکہ انکم ٹیکس ریٹرن داخل کرنے کے عمل کو کافی آسان بنایا گیا ہے اور وقت پر ٹی ڈی ایس ریٹرن داخل کرنا بھی ضروری ہے۔ متعدد سرکاری محکموں سے وقت پر ریٹرن داخل نہیں کرنے کی وجہ سے وصولی کا عمل شروع کر دیا گیا ہے۔'

انہوں نے کہاکہ ٹیکس دہندوں کے ذریعہ بروقت انکم ٹیکس جمع کرنے سے ملک کی ترقی میں تعاون ہوتاہے اور اس سے ملک کی ترقی میں مدد ملتی ہے۔
سمینار سے معاون انکم ٹیکس کمشنر ٹی۔ ٹی بھوٹیا ، ڈپٹی ڈیولپمنٹ کمشنر کمار انشل سمیت متعدد افسران نے بھی خطاب کیا۔ سمینار میں متعدد انکم ٹیکس دہندوں کے شبہات ، مسائل کا حل انکم ٹیکس افسران نے کیا۔