جی ایس ٹی کونسل کی 45 ویں میٹنگ جمعہ کو لکھنؤ میں ہوگی

عالمی وبا کورونا وائرس کے پھیلاؤ کے بعد پہلی دفعہ جی ایس ٹی کونسل کی میٹنگ میں عہدیداران بنفس نفیس شرکت کریں گے۔

اشیا اور خدمات ٹیکس، GST کونسل کی میٹنگ جمعہ کے روز لکھنؤ میں ہوگی۔ یہ میٹنگ کووڈ۔19 وبا پھیلنے کے بعد پہلی ایسی میٹنگ ہے جس میں جس ایس ٹی کونسل کے عہدیداران بنفس نفیس شرکت کریں گے۔

اس میٹنگ کی صدارتمرکزی وزیر خزانہ نرملا سیتا رمن کریں گی۔

آکاشوانی سے گفتگو کرتے ہوئے خزانے کے وزیرمملکت پنکج چودھری نے کہا کہ میٹنگ میں سبھی ریاستوں کے وزرائے خزانہ شرکت کریں گے۔ اس کے علاوہ میٹنگ میں مرکز اور ریاستی حکومتوں کے سینئر عہدیدار بھی شامل ہوں گے۔

اطلاعات کے مطابق اس میٹنگ میں پیٹرول ڈیز کو جی ایس ٹی کے دائرہ میں لانے پر تبادلہ خیال کیا جائے گا۔ پیٹرول ڈیزل کی بڑھتی قیمتوں پر اپوزیشن مسلسل حکومت پر حملہ آور ہے۔ وہیں پیٹرول کی ڈیزل کی قمیتوں کا اثر براہ راست عام آدمی کے جیب پر پڑ رہا ہے۔